ധനകാര്യം

ഇത് നീതിയാണോ LIC?

noreply@blogger.com (sasi) — Thu, 15 Mar 2012 06:45:00 +0000

പ്രത്യക്ഷത്തില്‍ അനീതിയുണ്ടായാല്‍ ജനം പ്രതികരിക്കും. അനീതിയാണെന്ന തോന്നല്‍ ഉണ്ടാക്കിയാലും നീതിയെന്ന് ന്യായീകരിക്കാന്‍ ബന്ധപ്പെട്ടവര്‍ക്ക് സാധിക്കുന്ന പ്രശ്നം ആകുമ്പോള്‍ വലിയ പ്രതിഷേധം ഉണ്ടാകില്ല. അത് കൊണ്ട് അത്തരം സംഭവങ്ങള്‍ ആവര്‍ത്തിക്കപ്പെടുകയും ചെയ്യുന്നു.ONGC നടത്തിയ ഓഹരി ലേലം ആണ് ഇവിടെ ഈ സംശയം ഉണര്‍ത്തുന്നത് . ഈ സാമ്പത്തിക വര്‍ഷം 40000 കോടി രൂപ പൊതു മേഖലാ സ്ഥാപനങ്ങളുടെ ഓഹരി വില്‍പ്പനയിലൂടെ കണ്ടെത്താനുള്ള കേന്ദ്ര സര്‍ക്കാര്‍ തീരുമാനം ദയനീയമായി പരാജയപ്പെട്ടപ്പോള്‍ ആണ് എങ്ങനെയും കുറച്ചു പണം കണ്ടെത്താന്‍ ആദ്യമായി ഈ ഓഹരി ലേല മാര്‍ഗ്ഗം സ്വീകരിക്കാന്‍ സര്‍ക്കാര്‍ തയ്യാര്‍ ആയത്.കേന്ദ്ര സര്‍ക്കാര്‍ കൈവശം വച്ചിരിക്കുന്ന ONGC ഓഹരികളില്‍ 5% ആണ് വില്‍ക്കാന്‍ തീരുമാനിച്ചത്. ലേലം ആകുമ്പോള്‍ കുറഞ്ഞ വില നിശ്ചയിക്കണം. ഓഹരി വില്‍പ്പനക്ക് ചുക്കാന്‍ പിടിക്കുന്ന മര്‍ച്ചന്റ് ബാങ്കുകള്‍ നിര്‍ദ്ദേശിച്ച കുറഞ്ഞ വില 290 രൂപ. ഓഹരി വിപണിയില്‍ ഒരു ലേലവും ഇല്ലാതെ ONGC ഷെയറുകള്‍ 283 രൂപയ്ക്കു ലഭിക്കുന്ന സമയത്താണ് ഈ ഉയര്‍ന്ന വില നിശ്ചയിക്കപ്പെട്ടത്‌. മര്‍ച്ചന്റ് ബാങ്കുകള്‍ ഒരു വില നിശ്ചയിക്കുമ്പോള്‍ പ്രധാനമായും കണക്കിലെടുക്കേണ്ട കാര്യം ഈ വിലക്ക് ഓഹരി വാങ്ങാന്‍ എത്രമാത്രം താല്പര്യം വിപണിയില്‍ ഉണ്ടാകും എന്നാണ്? വിദേശ ഫണ്ടുകളും ഇന്ത്യന്‍ സ്ഥാപനങ്ങളും ഈ ഓഹരി കൈക്കലാക്കാന്‍ വലിയ മത്സരം ഉണ്ടാകേണ്ടതായിരുന്നു. എന്നാല്‍ സംഭവിച്ചതോ? ( സാധാരണ നിക്ഷേപകന്‍ പോലും പ്രതീക്ഷിച്ചത് പോലെ) ആരും തിരിഞ്ഞു നോക്കിയില്ല.ഒരൊറ്റ വിദേശ സ്ഥാപനം പോലും ലേലത്തില്‍ പങ്കെടുത്തില്ല.സര്‍ക്കാര്‍ വില്‍ക്കാന്‍ ഉദ്ദേശിച്ചത് 42 കോടി ഷെയറുകള്‍.വാങ്ങാന്‍ ആളുണ്ടായത് വെറും 2 കോടി ഷെയറുകള്‍.ഇഷ്യൂ ദയനീയമായി പരാജയപ്പെടുന്നു എന്ന് ഉറപ്പായ അവസാന നിമിഷങ്ങളില്‍ എല്ലാവരും പ്രതീക്ഷിച്ച പോലെ LIC പ്രത്യാക്ഷപ്പെടുന്നു.12000 കോടി രൂപ മുടക്കി 303 രൂപ നിരക്കില്‍ ഓഹരികള്‍ വാങ്ങി പരാജയത്തെ വിജയമാക്കുന്നു. ലേലം നടക്കുന്നതിനു മുന്‍പുള്ള ദിവസങ്ങളില്‍ ONGC ഓഹരി വില താഴാതെ പിടിച്ചു നിര്‍ത്താനും ഇത്തരം സമയോചിത നീക്കങ്ങള്‍ ഉണ്ടായിട്ടുണ്ടാകം.ഇഷ്യൂ നടന്നു കഴിഞ്ഞപ്പോള്‍ വന്‍ വിജയത്തില്‍ ആഹ്ലാദിക്കുന്ന സര്‍ക്കാര്‍,മര്‍ച്ചന്റ് ബാങ്കുകള്‍.പിന്നെ ആര്‍ക്കാണ് പരാതി? LIC ഈ ഇഷ്യൂ വിജയിപ്പിക്കാന്‍ 40 കോടി ഓഹരികള്‍ വാങ്ങാന്‍ (പ്രതി ഓഹരി 303.67 രൂപ ) മുടക്കിയത് ഏതാണ്ട് 12100 കോടി രൂപ.രണ്ടു ദിവസം കഴിഞ്ഞപ്പോള്‍ ഓഹരി വില 280.85 രൂപ. അതായതു 11200 കോടി രൂപ മൊത്തം. നഷ്ടം 900 കോടി രൂപ.മാര്‍ക്കറ്റില്‍ ഉണര്‍വ് ഉണ്ടായെങ്കിലും ഈ കുറിപ്പ് എഴുതുന്ന സമയത്ത് ONGC ഓഹരി വില 285 രൂപ മാത്രം.ONGC ഈ വിലയില്‍ കൂടുതല്‍ അര്‍ഹിക്കുന്നു എന്നത് യാഥാര്‍ത്ഥ്യം. ഈ നിക്ഷേപം LIC എന്ന ദീര്‍ഘ കാല നിക്ഷേപകനു നഷ്ടം ഉണ്ടാക്കില്ല.എന്നാല്‍ ഇന്നും വിപണിയില്‍ 285 രൂപയ്ക്കു ലഭിക്കുന്ന ഈ ഓഹരി ഇത്ര വിലക്ക് വങ്ങേണ്ടതുണ്ടായിരുന്നോ ? ആരുടെയെങ്കിലും മുഖം രക്ഷിക്കാന്‍ സാധാരണക്കാരന്റെ പ്രീമിയം തുക ഉപയോഗിക്കുന്നത് ശരിയാണോ? LIC യുടെ ലാഭത്തില്‍ കുറവുണ്ടാകുമ്പോള്‍ പോളിസി ഉടമകളുടെ ബോണസിലും ആനുപാതിക കുറവ് ഉണ്ടാകില്ലേ? വിപണിയില്‍ ഇടിവ് ഉണ്ടാകുമ്പോള്‍ ഉണ്ടാകുന്ന സ്വാഭാവിക നഷ്ടം ആയി ഇത്തരം നഷ്ട്ടങ്ങളെ കാണാന്‍ സാധിക്കുമോ? അറിഞ്ഞു കൊണ്ട് ഉണ്ടാക്കുന്ന നഷ്ടത്തെ മറ്റു പേരുകള്‍ ചൊല്ലി അല്ലെ നാം വിളിക്കാറ്?

വോട്ടര്‍ മാറുകയാണ്..

noreply@blogger.com (sasi) — Wed, 07 Mar 2012 02:42:00 +0000

കേരളത്തിലെ വോട്ടര്‍ പ്രബുദ്ധനും വടക്കുള്ളവര്‍ അത്ര വിവരമില്ലാത്തവരും എന്ന ധാരണയായിരുന്നു നമുക്ക്.പല കാര്യങ്ങളിലും നമുക്കീ മിഥ്യാ ധാരണ ഉണ്ടെന്നത് വേറെ കാര്യം.ആ ധാരണകള്‍ തിരുത്തേണ്ട കാലം കഴിഞ്ഞെന്നും വടക്ക് നിന്ന് നമുക്കും ചിലത് പഠിക്കാന്‍ ഉണ്ടെന്നും ഇത്തവണത്തെ തിരഞ്ഞെടുപ്പ് ഫലം നമ്മെ ഓര്‍മ്മിപ്പിക്കുന്നു. ഉത്തര്‍ പ്രദേശില്‍ കഴിഞ്ഞ കുറെ കാലങ്ങളായി നടക്കുന്നത് ശക്തമായ ചതുഷ്കോണ മത്സരമാണ്. 2002 ലെ തിരഞ്ഞെടുപ്പിലും തങ്ങള്‍ക്കു ഇഷ്ട്ടമുള്ളവര്‍ക്ക് വോട്ട് ചെയ്തു ബാക്കി ദൈവത്തിനും വിധിക്കും വിടുന്ന രീതി ആയിരുന്നു യു പി വോട്ടര്‍മാരുടെത്.എന്നാല്‍ എത്ര കോണ മത്സരം ആയാലും തങ്ങളെ ആരു ഭരിക്കണം എന്ന് ബാലറ്റ് പേപ്പറിലൂടെ തീരുമിക്കുന്ന രീതി 2007 ഇല്‍ തുടങ്ങി 2012 ലും യു പി വോട്ടര്‍ തുടര്‍ന്നു. തൂക്കു നിയമ സഭ ആയിരിക്കും എന്ന് എല്ലാവരും കരുതിയ 2007 ല്‍ മായാവതിക്ക് ഒറ്റയ്ക്ക് ഭരിക്കാന്‍ ഭൂരിപക്ഷം നല്‍കി അവര്‍ പ്രവചനക്കാരെ ഞെട്ടിച്ചു.2012 ലും സമാജ് വാദി പാര്‍ട്ടി കോണ്‍ഗ്രസ്‌ സഹായത്തോടെ ഭരിക്കുമോ അതോ മായാവതി വീണ്ടും BJP സഹായത്തോടെ അധികാരത്തില്‍ എത്തുമോ എന്ന സംശയമായിരുന്നു പലര്‍ക്കും.എന്നാല്‍ മായാവതിയെ പുറത്താക്കുക എന്ന ഏക ലക്ഷ്യത്തോടെ പ്രതികരിച്ച യുപി വോട്ടര്‍മാര്‍ ഒരു കുതിരക്കച്ചവടത്തിനും വിലപേശലിനും ഇടം നല്‍കാതെ മുലയംസിങ്ങിനെ അധികാരം ഏല്‍പ്പിച്ചിരിക്കുന്നു. കോണ്‍ഗ്രസ്‌ വോട്ടര്‍മാരും BJP വോട്ടര്‍മാരും കൊടിയുടെ നിറം നോക്കാതെ ദേശ താല്‍പ്പര്യം മുന്‍ നിര്‍ത്തി സമാജ് വാദി പാര്‍ട്ടിക്ക് വോട്ട് ചെയ്തു എന്ന് വേണം മനസ്സിലാക്കാന്‍.അതല്ലേ യഥാര്‍ത്ഥ പ്രബുദ്ധത?മറ്റെല്ലാ താല്പര്യങ്ങളും മാറ്റി നിര്‍ത്തി നാടിന്റെ ആവശ്യം മനസ്സിലാക്കി ജനം വോട്ട് ചെയ്യുമ്പോഴല്ലേ ജനാധിപത്യം ശക്താമാകുക? കേരളമെന്നു കേട്ടാലോ തിളക്കണം ചോര ഞരമ്പുകളില്‍ എന്ന് നമ്മുടെപ്രിയ കവി പാടിയത് ശരി വയ്ക്കുന്ന രീതിയില്‍ ആണ് എല്ലാ ദേശത്തെയും വോട്ടര്‍മാര്‍ തിരഞ്ഞെടുപ്പില്‍ പ്രതികരിക്കുന്നത്.തങ്ങളുടെ ഈ പ്രതികരണം കേന്ദ്ര സര്‍ക്കാരിനെ കൂടുതല്‍ ദുര്‍ബ്ബലം ആക്കുമെന്നും നാടിനെ മുന്നോട്ടു നയിക്കാന്‍ പര്യാപ്തമായ ധീരമായ നടപടികള്‍ എടുക്കുന്നതില്‍ അവര്‍ കൂടുതല്‍ വിമുഖരാകും എന്നതൊന്നും അവര്‍ പരിഗണിച്ചിട്ടില്ല. ദേശീയ രാഷ്ട്രീയത്തില്‍ അനാവശ്യ ഇടപെടല്‍ നടത്താന്‍ ജനങ്ങള്‍ നല്‍കിയ ലൈസന്‍സ് ആയി ഈ ജനവിധിയെ മുലായത്തിനെ പോലെയുള്ളവര്‍ വിലയിരുത്തിയാല്‍ അത് ജനവിധിയെ അപമാനിക്കല്‍ ആകും. യു പി അടുത്ത അഞ്ചു വര്‍ഷം ആരു ഭരിക്കണം എന്ന ചോദ്യത്തിനാണ് ജനം മറുപടി നകിയത്. ദേശീയ പാര്‍ട്ടികള്‍ തമ്മില്‍ അഞ്ചു സംസ്ഥാനങ്ങളില്‍ നടന്ന ബല പരീക്ഷണത്തില്‍ നിന്ന് വ്യക്തമാകുന്നത് തമ്മില്‍ ഭേദം BJP എന്ന ധാരണ ജനങ്ങള്‍ക്കുണ്ട് എന്നാണ്. കേന്ദ്രത്തിലെ നിശ്ചലമായ ഭരണ യന്ത്രം ആകാം അതിനു ഒരു കാരണം. അന്നാ ഹസാരെ നടത്തിയ സമരങ്ങള്‍ മൂലം കോണ്‍ഗ്രസ്‌ എന്നാല്‍ അഴിമതിക്കാരുടെ കൂട്ടം എന്ന ഒരു ധാരണസോഷ്യല്‍ നെറ്റ് വര്‍ക്കിംഗ്‌ മീഡിയയെ കൂടുതല്‍ ആശ്രയിക്കുന്ന യുവ വോട്ടര്‍മാരില്‍ ഉണ്ടാക്കിയത് മറ്റൊരു കാരണം. ഇനിയിപ്പോള്‍ ഭരണം യുപിഎ ക്ക് എളുപ്പമാകില്ല. നാടിന്റെ നല്ല ഭവിക്കു ആവശ്യമായ നടപടികള്‍ മാറ്റി വച്ച് ജന പ്രിയ നടപടികള്‍ക്ക് പ്രാമുഖ്യം നല്‍കാനാകും ശ്രമം.അതായത് ഓഹരി വിപണിക്ക് കഷ്ട കാലം തുടരും എന്ന് സാരം. ബജറ്റില്‍ നിന്നും കാര്യമായൊന്നും വിപണി ഇനിപ്രതീക്ഷിക്കെണ്ടതില്ല. ജന വിധിയില്‍ അഭിമാനിക്കുന്നതിനു പകരം അഹങ്കരിക്കുന്ന മമതയുടെ പാത മുലായം സിംഗ് പിന്തുടരാന്‍ തീരുമാനിച്ചാല്‍ ?? കാത്തിരുന്നു കാണാം...പൂരം..

വിശ്വാസം, അതല്ലേ എല്ലാം..

noreply@blogger.com (sasi) — Tue, 28 Feb 2012 04:33:00 +0000

ഓഹരി വിപണിയുടെ നില നില്‍പ്പിനു തന്നെ അടിസ്ഥാനം വിശ്വാസം ആണ്. ഒരു നിക്ഷേപകന്‍ ഒരു പ്രത്യേക ഓഹരിയില്‍ പണം മുടക്കുന്നത് അതിലൂടെ തനിക്കു നേട്ടം ഉണ്ടാകും എന്ന വിശ്വാസം കൊണ്ടാണ്.ഈ പ്രതീക്ഷക്കു അടിസ്ഥാനം പ്രധാനമായും പ്രോമോട്ടര്‍മാരില്‍ ഉള്ള വിശ്വാസം ആണ്. തങ്ങളില്‍ നിക്ഷേപകര്‍ അര്‍പ്പിച്ചിരിക്കുന്ന വിശ്വാസത്തിനു ഒരു കോട്ടവും വരാതിരിക്കാന്‍ സാദാ ജാഗരൂഗരായ പ്രൊമോട്ടര്‍ ഗ്രൂപ്പുകള്‍ ധാരാളം ഉണ്ട്. ഇന്‍ഫോസിസ് , ടാറ്റാ പോലുള്ളവര്‍. വിദേശങ്ങളില്‍ നടത്തിയ വന്‍ ഏറ്റെടുക്കല്‍ പദ്ധതികള്‍ ടാറ്റാ മോട്ടോര്‍സ് ,ടിസ്കോ തുടങ്ങിയ സ്ഥാപനങ്ങളുടെ ഭാവിയെക്കുറിച്ച് എങ്ങും സംശയങ്ങള്‍ ഉയര്‍ന്നപ്പോള്‍ നിക്ഷേപകര്‍ പൂര്‍ണ്ണ വിശ്വാസത്തോടെ കൂടെ നിന്നു, നല്ല നേട്ടം ഉണ്ടാക്കുകയും ചെയ്തു. വര്‍ഷങ്ങള്‍ നീണ്ട പരിശ്രമങ്ങളിലൂടെ നേടിയെടുത്ത യശസ്സ് കളഞ്ഞു കുളിക്കാന്‍ അധിക സമയമൊന്നും വേണ്ട. നമ്മുടെ നാട്ടിലെ രണ്ടു സ്ഥാപനങ്ങളുടെ അവസ്ഥ നോക്കാം. 85 വയസ്സായ ധനലക്ഷ്മി ബാങ്ക്. 63 പിന്നിട്ട മണപ്പുറം. പുതിയ മാനേജ് മെന്റിന്റെ കീഴില്‍ ധനലക്ഷ്മി ബാങ്ക് ഉയരങ്ങള്‍ കീഴടക്കും എന്ന പ്രചാരം കുറെ കാലം നടത്തി നോക്കിയെങ്കിലും സാധാരണ നിക്ഷേപകര്‍ അത് വിശ്വസിക്കാന്‍ തയ്യാറായില്ല. ഒരു ഘട്ടത്തില്‍ മാനേജ് മെന്റില്‍ മാറ്റം ഉണ്ടാകാതെ ഈ ബാങ്ക് രക്ഷപ്പെടില്ല എന്ന നിക്ഷേപകരുടെ വിശ്വാസം ഓഹരി വില 2010 ഒക്ടോബറില്‍ ഉണ്ടായിരുന്ന 200+ എന്ന നിലയില്‍ നിന്നു 2011 ഡിസംബറില്‍ 45 രൂപയില്‍ താഴെ എത്തിച്ചു.പിന്നീട് അനിവാര്യമായത് സംഭവിച്ചു.സിഇഓ യുടെ രാജി. ഒട്ടു വൈകാതെ കഴിഞ്ഞ മൂന്നു മാസത്തെ പ്രവര്‍ത്തന ഫലം പുറത്തു വന്നു. പ്രകടനം ദയനീയമായിരുന്നു. എന്നാല്‍ ഓഹരി വില ക്രമേണ ഉയര്‍ന്നു കൊണ്ടേയിരുന്നു.ഇപ്പോള്‍ 75 രൂപയില്‍ എത്തി നില്‍ക്കുന്നു.നഷ്ട്ടമായ ഓഹരിയുടമകളുടെ വിശ്വാസം കുറച്ചെങ്കിലും തിരിച്ചു പിടിക്കാന്‍ ധനലക്ഷ്മിക്ക് കഴിഞ്ഞിരിക്കുന്നു. മണപ്പുറം തെറ്റുകള്‍ ഏറ്റു പറഞ്ഞു തിരുത്തല്‍ നടപടികള്‍ തുടങ്ങിയെങ്കിലും നിക്ഷേപകര്‍ അവര്‍ക്ക് മാപ്പ് കൊടുക്കാന്‍ ഇത് വരെ തയ്യാര്‍ ആയിട്ടില്ല എന്ന് വേണം ആ ഓഹരിയുടെ അടുത്ത കാലത്തെ ദയനീയ പ്രകടനത്തില്‍ നിന്നും മനസ്സിലാക്കാന്‍ . ഇനിയെങ്കിലും ഓഹരി നിക്ഷേപകരെ പാടെ അവഗണിച്ചു മുന്നോട്ടു പോകാം എന്ന ധാരണ തിരുത്താന്‍ തയ്യാറാകാത്ത സ്ഥാപനങ്ങള്‍ പുനര്‍ ചിന്തനത്തിന് തയ്യാര്‍ ആയാല്‍ അവര്‍ക്ക് നന്ന്...

മണപ്പുറം നന്നാവാന്‍ തീരുമാനിച്ചു??

noreply@blogger.com (sasi) — Tue, 14 Feb 2012 08:19:00 +0000

ഓഹരി നിക്ഷേപകരുടെ താല്പര്യങ്ങള്‍ സംരക്ഷിക്കാന്‍ കാവല്‍പ്പട്ടികള്‍ എന്ന ഓമനപ്പേരില്‍ അറിയപ്പെടുന്ന സ്ഥാപനങ്ങള്‍ മടി കാണിക്കുന്നതും ഭയക്കുന്നതും പലപ്പോഴും കോര്പോരെറ്റ് തോന്ന്യവാസങ്ങള്‍ക്ക് കാരണമാകാറുണ്ട്. പല മേഖലകളില്‍ പ്രവര്‍ത്തിക്കുന്ന ഒട്ടേറെ സ്ഥാപനങ്ങള്‍ ചേര്‍ന്നതാണ് മണപ്പുറം ഗ്രൂപ്പ്‌ ഓഫ് കമ്പനീസ്. ഇതില്‍ മണപ്പുറം ഫിനാന്‍സ് ലിമിറ്റഡ് മാത്രം ആണ് ലിസ്റ്റഡ് കമ്പനി . മണപ്പുറം ഫിനാന്‍സ് എന്ന സ്ഥാപനത്തില്‍ ആ കമ്പനിയിലെ സാധാരണ ഓഹരി ഉടമക്ക് യോതൊരു ബന്ധവും ഇല്ലാത്ത ഗ്രൂപ്പ്‌ സ്ഥാപനങ്ങളുടെ ബിസിനസ്‌ നടക്കുന്നു എന്നാണ് ആര്‍ ബി ഐ കണ്ടെത്തിയിരിക്കുന്നത്. മണപ്പുറം ഫിനാന്‍സ് ഇന്ന് നിക്ഷേപകരുടെ ആദരവ് പിടിച്ചു പറ്റിയ സ്ഥാപനം ആണ്. അവിടെ ഞാന്‍ അടക്കമുള്ള നിക്ഷേപകര്‍ സ്ഥിര നിക്ഷേപം നടത്തിയിട്ടുള്ളത് ആ സ്ഥാപനത്തില്‍ ഉള്ള വിശ്വാസം മൂലം ആണ്. മണപ്പുറം ഫിനാന്‍സ് ഓഫീസില്‍ നാം ചെല്ലുന്നു. അവിടെ സ്ഥിര നിക്ഷേപം നടത്തുന്നു. ആ ഓഫീസില്‍ ഡപ്പോസിറ്റ് സ്വീകരിക്കപ്പെടുന്നു.ആ ഓഫീസി സ്റ്റാഫ്‌ അവിടത്തെ സിസ്റ്റം ഉപയോഗിച്ച് രെസീറ്റ് നല്‍കുന്നു. ആദ്യം മണപ്പുറം ബെനെഫിറ്റ് ഫണ്ട്‌ എന്ന സ്ഥാപനത്തിന്റെ പേരില്‍ ആണ് രെസീറ്റ് നല്കിയ്യിരുന്നത്. പിന്നീട് അത് മറ്റൊരു സ്ഥാപനത്തിന്റെ പേരില്‍ ആയി.മണപ്പുറം ഗോള്‍ഡ്‌ ജ്യുവല്ലറിയുടെ ഗോള്‍ഡ്‌ ഡപ്പോസിറ്റ് സ്കീം ആയ കനകധാരയുടെയും വില്‍പ്പന മണപ്പുറം ഫിനാന്‍സ് വഴി നടന്നിരുന്നു. മണപ്പുറം ഫിനാന്‍സ് എന്ന സ്ഥാപനത്തിലെ സ്റ്റാഫ്‌, സിസ്റ്റം എല്ലാം പ്രോമോട്ടര്മാരുടെ സ്വകാര്യ സ്ഥാപനങ്ങളുടെ ബിസിനസ്‌ നടത്താന്‍ ഉപയോഗിക്കുക എന്ന തെറ്റായ നടപടിയെ ആണ് ആര്‍ ബി ഐ ചോദ്യം ചെയ്തത്. തങ്ങളുടെ തെറ്റുകള്‍ ന്യായീകരിക്കാന്‍ ശ്രമിക്കാതെ മണപ്പുറം ഫിനാന്‍സ് എന്ന സ്വതന്ത്ര സ്ഥാപനത്തെ പൂര്‍ണ്ണമായും സ്വതന്ത്രമാക്കാന്‍ ഉള്ള നടപടികള്‍ ഉടനെ ഉണ്ടാകും എന്ന് മാനെജ്മെന്റ് വ്യക്തമാക്കിയിരിക്കുന്നു. ആ പറഞ്ഞത് അത്മാര്തമായി ആണെങ്കില്‍ അത് തീര്‍ച്ചയയും മണപ്പുറം ഓഹരി ഉടമകള്‍ക്ക് ഭാവിയില്‍ ഗുണം ചെയ്യും, ഭാവിയില്‍ ലിസ്റ്റ് ചെയ്യുമെന്ന് നേരത്തെ പ്രഖ്യാപിച്ചു മുന്നോട്ടു പോകുന്ന മറ്റു ഗ്രൂപ്പ്‌ കമ്പനികള്‍ക്കും. സുതാര്യത ,അതല്ലേ എല്ലാം.. വാല്‍കഷ്ണം:ആര്‍ ബി ഐ ഇടപെടല്‍ ഉണ്ടായ ദിവസം(ഫെബ്രുവരി 6 നു ) കൃത്യമായി ഒരു ഡയരക്ടരുടെ ഭാര്യ 5 ലക്ഷം ഓഹരികള്‍ 57.75 രൂപ പ്രതി ഓഹരി വിലക്ക് വിറ്റ വാര്‍ത്തയെ ന്യായീകരിച്ചു ശ്രി.നന്ദകുമാര്‍ പ്രസ്ഥാവന നടത്തിയത് ശരിയായ നടപടി ആണോ എന്നറിയില്ല.

സ്വര്‍ണ്ണ വായ്പാ സ്ഥാപനങ്ങള്‍ക്ക് കാലാവസ്ഥ പ്രതികൂലം..

noreply@blogger.com (sasi) — Thu, 09 Feb 2012 06:38:00 +0000

കഷ്ട്ട കാലം വരുമ്പോള്‍ കൂട്ടത്തോടെ എന്ന് കേട്ടിട്ടില്ലേ.അതാണ് ഇന്ന് മണപ്പുറം ഫിനാന്‍സ്ന്റെ അവസ്ഥ. ഏതാണ്ട് അതെ അവസ്ഥ യിലേക്ക് നീങ്ങുകയാണ് മുത്തൂറ്റ് ഫിനാന്‍സ് . ഉത്തരേന്ത്യയില്‍ വേര് ഉറച്ചിട്ടില്ലാത്ത ഒരു ബിസിനസ്‌ മേഖലയില്‍ രണ്ടു മലയാളി സ്ഥാപനങ്ങാല്‍ വിലസുന്നത് ചിലര്ക്കൊന്നും ദഹിക്കുന്ന കാര്യമല്ല. ഡല്‍ഹിയില്‍ വലിയ പിടിപാടൊന്നും ഇല്ലാത്ത മാനേജ്മെന്‍റ് ആയതു കൊണ്ട് ഇവരെ ഒതുക്കാന്‍ ഉളള ശ്രമങ്ങള്‍ ഒരു പരിധി വരെ എങ്കിലും വിജയം കാണാതിരിക്കില്ല. ഇത്തരം സ്ഥാപങ്ങള്‍ക്ക് പണത്തിന്റെ ലഭ്യതയില്‍ കുറവുണ്ടാകാന്‍ പാടില്ല.കൂടുതല്‍ സ്വര്‍ണ്ണം പണയ വസ്തു ആയി കയ്യിലെത്തുമ്പോള്‍ കൂടുതല്‍ പണം പണയം നല്‍കുന്നവര്‍ക്ക് കൊടുക്കണം.അത് കൊണ്ടാണ് ഇവര്‍ കൂടുതല്‍ പലിശ നല്‍കി പണം സംഭരിക്കാന്‍ ശ്രമിക്കുന്നത് .പണ ലഭ്യത തടയുന്ന രീതിയില്‍ ആര്‍ബിഐ നീക്കം ഉണ്ടായ ഉടനെ ഇപ്പോള്‍ ഇവരുടെ ബിസിനസ്‌ വലിയ തോതില്‍ വര്‍ദ്ധിക്കുന്നത് തടയാന്‍ ഉളള നടപടികളിലേക്ക് ആര്‍ ബി ഐ നീങ്ങുന്നു. പൊതു ജനങ്ങളുടെ സാമ്പത്തിക സുരക്ഷയെ ഉദ്ദേശിച്ചുള്ള നടപടി ആയതു കൊണ്ട് ആര്‍ക്കും വലുതായി എതിര്‍ക്കാനും കഴിയില്ല.സാധാരണ നിക്ഷേപകന് ചെയ്യാവുന്നത് തല്ക്കാലം മുത്തൂറ്റ് മണപ്പുറം ഓഹരികളിലെ നിക്ഷേപം കുറയ്ക്കുക എന്നത് മാത്രം ആണ്..

ഇതാണോ പത്ര ധര്‍മ്മം?

noreply@blogger.com (sasi) — Tue, 07 Feb 2012 09:20:00 +0000

സമൂഹത്തിലെ അനീതിക്കെതിരെ പട പൊരുതുന്നവര്‍ ആണ് മാധ്യമങ്ങള്‍ എന്ന് നമുക്കറിയാം. ആരെക്കുറിച്ചും എന്തും എഴുതാനും പറയാനും അവര്‍ക്ക് മടിയില്ല. അവര്‍ ജനങ്ങള്‍ക്ക്‌ ഒപ്പം നില്‍ക്കുന്നു. എന്ന് കരുതി അവര്‍ എല്ലാം അങ്ങ് തുറന്നു പറഞ്ഞു കളയും എന്ന് കരുതരുത്. വാര്‍ത്ത‍ സാധാരണ പൌരനോ, മുഖ്യമന്ത്രിക്കോ പ്രധാന മന്ത്രിക്കോ എതിരായാല്‍ അവര്‍ പൊടിപ്പും തൊങ്ങലും വച്ച് അത് ജനങ്ങളില്‍ എത്തിക്കും. എന്നാല്‍ അത് തങ്ങള്‍ക്കു വാരിക്കോരി പരസ്യങ്ങള്‍ നല്‍കുന്ന ഒരു സ്ഥാപനത്തിന് എതിരായാലോ? അപ്പോള്‍ പത്ര ധര്‍മ്മത്തില്‍ അറിയാതെ സ്വല്‍പ്പം മായം കലരും. ഇന്നത്തെ വാണിജ്യ വാര്‍ത്തകളില്‍ മലയാളി അറിയേണ്ട ഒരു വളരെ പ്രധാന വാര്‍ത്ത‍ ഉണ്ടായിരുന്നു. മണപ്പുറം ഫിനാന്‍സ് പൊതു ജങ്ങളില്‍ നിന്ന് നിക്ഷേപങ്ങള്‍ സ്വീകരിക്കുന്നത് ശിക്ഷാര്‍ഹമായ കുറ്റം ആണെന്ന് ആര്‍ ബി ഐ പറഞ്ഞതായാണ് വാര്‍ത്ത‍.ഈ വാര്‍ത്ത‍ ഇന്ന് കേരളത്തില്‍ നിന്ന് പ്രസിദ്ധീകരിക്കുന്ന ടൈംസ്‌ ഓഫ് ഇന്ത്യ വളരെ പ്രാധാന്യത്തോടെ നല്‍കിയിരുന്നു.എന്നാല്‍ ഈ പത്രത്തോടൊപ്പം ലഭിക്കുന്ന മലയാളത്തിലെ ഏറ്റവും പ്രശസ്ഥമായ പത്രം ഈ വാര്‍ത്ത‍ നല്‍കിയില്ല. മറ്റു പ്രധാന മലയാള പത്രങ്ങളിലും ഈ വാര്‍ത്ത‍ കണ്ടില്ല.എന്ത് കൊണ്ടാണ് ഈ വാര്‍ത്ത‍ മാധ്യമങ്ങള്‍ മൂടി വച്ചത്. ആര്‍ ബി ഐ കേരളത്തിലെ ഒരു സ്ഥാപനത്തെക്കുറിച്ച് ഇത്രയും ഗൗരവമുള്ള ഒരു ആരോപണം ഉന്നയിച്ചിട്ടു അത് ജനങ്ങള്‍ അറിയേണ്ട കാര്യമില്ല എന്ന് തീരുമാനച്ചത് ആരാണ്? എന്തിനാണ്? പത്രങ്ങള്‍ പരസ്യം നല്‍കുന്നവനു വേണ്ടിയാണോ പ്രവര്‍ത്തിക്കേണ്ടത്? മണപ്പുറം ഓഹരി വില ഇന്ന് 20% ആണ് ഇടിഞ്ഞത്. ഇത് ഒരു താല്‍ക്കാലിക പ്രതിസന്ധി ആയി മാത്രമേ ഞാന്‍ കാണുന്നുള്ളൂ. കൂടുതല്‍ സുതാര്യമായ ധന സമാഹരണ മാര്‍ഗ്ഗങ്ങള്‍ കണ്ടെത്തി ആര്‍ ബി ഐ യുടെ അനുമതിയോടെ പൂര്‍വാധികം ശക്തിയോടെ മണപ്പുറം മുന്നോട്ടു പോകും. ഇന്നത്തെ തകര്‍ച്ച നാളെ കാലത്തും തുടര്‍ന്നാല്‍ ഈ കമ്പനി ഓഹരികള്‍ കൂടുതല്‍ സ്വന്തമാക്കാന്‍ ശ്രമിക്കും.ഈ ഓഹരി ഇന്ന് കനത്ത വില്‍പ്പന സമ്മര്‍ദ്ദം നേരിട്ടുവെങ്കിലും വാങ്ങാന്‍ ആളില്ലാത്ത അവസ്ഥ ഉണ്ടായില്ല. NSE യില്‍ മാത്രം ഇന്ന് ഏതാണ്ട് 2 കോടി 67 ലക്ഷം മണപ്പുറം ഓഹരികള്‍ ആണ് കൈ മാറ്റം ചെയ്യപ്പെട്ടത്..

ധനലക്ഷ്മി ബാങ്കിന് എന്ത് സംഭവിക്കും?

noreply@blogger.com (sasi) — Mon, 06 Feb 2012 16:28:00 +0000

പ്രതീക്ഷിച്ചത് തന്നെ സംഭവിച്ചു. ധനലക്ഷ്മി ബാങ്ക് സിഇഓ അമിതാഭ് ചതുര്‍വേദി ഇന്ന് രാജി സമര്‍പ്പിച്ചു. ഈ വാര്‍ത്ത‍ക്ക് നിക്ഷേപകരില്‍ നിന്ന് സമ്മിശ്ര പ്രതികരണം ആയിരിക്കാം .സ്വാഗതം ചെയ്യപ്പെടേണ്ട വാര്‍ത്ത‍ എന്നാണ് എന്റെ അഭിപ്രായം.ഇനി എന്തായാലും റിലയന്‍സ് കാപിറ്റല്‍ ഈ ബാങ്ക് ഉടനെ ഏറ്റെടുക്കും എന്ന പ്രചരണം ഉണ്ടാകാന്‍ ഇടയില്ല.കാരണം ചതുര്‍വേദി ഈ ബാങ്കില്‍ എത്തിയത് തന്നെ റിലയന്‍സ് ടേക്ക് ഓവറിനു കളം ഒരുക്കാന്‍ ആയിരുന്നു എന്ന് വിശ്വസിക്കുന്നവരാണ് ഈ കമ്പനിയെ അടുത്തറിയാന്‍ ശ്രമിച്ചവരില്‍ ഭൂരിഭാഗവും. ചതുര്‍വേദിയെ പിന്തുടര്‍ന്ന് ഇനിയും ചിലര്‍ കൂടി ധനക്ഷ്മി വിട്ടേക്കാം.എന്നാല്‍ ഈ രാജികള്‍ ഓഹരി വിലയില്‍ ഉണ്ടാക്കിയേക്കാവുന്ന പ്രതികരണം താല്‍ക്കാലികം ആകും. എന്നാല്‍ എല്ലാവരും ഉറ്റു നോക്കുന്നത് കമ്പനി പുറത്തു വിടാന്‍ പോകുന്ന ത്രൈമാസ പ്രവര്‍ത്തന ഫലത്തില്‍ ആയിരിക്കും. അത് വളരെ നിരാശജനകം ആകുമെന്ന് തന്നെ വേണം കരുതാന്‍. ബാങ്ക് ലോണ്‍ ബുക്കില്‍ ജൂലൈ- സെപ്റ്റംബര്‍ മാസങ്ങളില്‍ വന്‍ വര്‍ദ്ധന (44%) രേഖപ്പെടുത്തിയിരുന്നു. നല്ല കാര്യം.എന്നാല്‍ ഈ ലോണ്‍ വര്‍ദ്ധന കിട്ടാക്കടങ്ങള്‍ എത്ര കണ്ടു വര്‍ദ്ധിപ്പിക്കും എന്നതാണ് മില്യണ്‍ ഡോളര്‍ ചോദ്യം. ലോണ്‍ ബുക്ക്‌ ക്വാളിറ്റി മോശമാണ് എങ്കില്‍ ഈ ബാങ്ക് കൂടുതല്‍ പ്രതിസന്ധികളിലേക്ക് നീങ്ങുകയും മറ്റേതെങ്കിലും ബാങ്ക് ധനലക്ഷ്മി ബാങ്കിനെ ഏറ്റെടുക്കുന്ന അവസ്ഥ ഉണ്ടാകുകയും ചെയ്യും.ഇത്തരം ഒരു ഏറ്റെടുക്കല്‍ ഈ ബാങ്ക് ഓഹരി നിക്ഷേപര്‍ക്ക് ഗുണം ചെയ്യാന്‍ ഇടയില്ല. എന്തായാലും ചതുര്‍വേദി പോയ നിലക്ക് റിസ്ക് എടുത്തും നിക്ഷേപം കുറച്ചു നാള്‍ തുടരാന്‍ തന്നെ ആണ് എന്റെ തീരുമാനം.

ഭയം അനുഗ്രഹമായേക്കാം...

noreply@blogger.com (sasi) — Sun, 18 Dec 2011 06:25:00 +0000

മുങ്ങി താഴുന്ന ഓഹരി നിക്ഷേപകന് ഒരു കച്ചിത്തുരുമ്പ് എങ്കിലും അടുത്തെങ്ങും ലഭിക്കും എന്ന പ്രതീക്ഷ ഇല്ലാതായിരിക്കുന്നു.റീടെയില്‍ എഫ് ഡി ഐ തീരുമാനം രക്ഷക്കെത്തും എന്ന് കരുതി.അതിനെ മമത ഒരു വിരല്‍ കൊണ്ട് മുക്കി.ആര്‍ ബി ഐ കണ്ണടച്ച് ഇരുട്ടാക്കല്‍ അവസാനിപ്പിക്കും എന്ന് കരുതി അതും ഉണ്ടായില്ല. 2G സ്കാം ആവര്‍ത്തിക്കാതിരിക്കാന്‍ ഏറ്റവും നല്ല മാര്‍ഗ്ഗം ഒന്നും ചെയ്യാതിരിക്കല്‍ ആണെന്ന് സര്‍ക്കാര്‍ കരുതുന്നുണ്ടാകണം. ഇത്രയും മോശം ഒരു ഭരണം ഇന്ത്യയില്‍ ഉണ്ടായിട്ടുണ്ടാകില്ല,ഇനി ഉണ്ടാകാതെയും ഇരിക്കട്ടെ. ഇടയ്ക്കിടെ യോഗം ചേര്‍ന്ന് പലിശ നിരക്ക് വര്‍ദ്ധിപ്പിച്ചാല്‍ എല്ലാം ശരിയാകും എന്ന് കരുതുന്ന ആര്‍ ബി ഐ .അവര്‍ എന്ത് ചെയ്താലും ബലേ ഭേഷ് പറയുന്ന ധനമന്ത്രി. ഇങ്ങിനെ പലിശ നിരക്ക് വര്‍ധിപ്പിച്ചു കൊണ്ട് മാത്രം പണപ്പെരുപ്പം ഇല്ലാതാകുമെന്ന് കരുതുന്നുണ്ടോ എന്ന് ഒരിക്കല്‍ പത്രക്കാര്‍ ചോദിച്ചപ്പോള്‍ ആര്‍ ബി ഐ ക്ക് വ്യക്തമായ മറുപടി ഉണ്ടായില്ല. ഉയരുന്ന പലിശ നിരക്ക് വ്യാവസായിക വളര്‍ച്ചയെ മന്ദീഭവിപ്പിക്കില്ലേ എന്ന് ചോദിച്ചപ്പോള്‍ ഉടനെയുണ്ടായി മറുപടി. ഇത് വരെ അതിന്റെ ഒരു സൂചനയും കണ്ടു തുടങ്ങിയിട്ടില്ല എന്ന്.ഒരു തല്ലു കൊണ്ട് ചത്തില്ലെങ്കില്‍ ചാകുന്നത് വരെ തല്ലുക എന്നതാണോ നയം? രണ്ടക്ക സാമ്പത്തിക വളര്‍ച്ച ലക്‌ഷ്യം വയ്ക്കുന്ന രാജ്യം ഏറ്റവും ഒടുവില്‍ പുറത്തു വിട്ട കണക്കുകള്‍ അനുസരിച്ച് ഒക്ടോബര്‍ മാസത്തെ വ്യാവസായിക വളര്‍ച്ച -5.1%. ഇങ്ങിനെ ഞടുക്കുന്ന വാര്‍ത്തകള്‍ ഉണ്ടാകുമ്പോള്‍ സമാശ്വാസ വാക്കുകളുമായി പ്രധാന മന്ത്രി വരെ രംഗത്ത്‌ വരാറുണ്ടായിരുന്നു. ഇന്നതൊന്നും ഗൌനിക്കാന്‍ ധനമന്ത്രിക്കോ അലുവാലിയക്കോ പോലും സമയമില്ല.നിരന്തരമായ പലിശ നിരക്ക് വര്‍ദ്ധന വ്യവസായങ്ങളെ തകര്‍ക്കുമെന്ന് ആര്‍ ബി ഐ ക്കും ധനകാര്യമന്ത്രിക്കും ഒഴികെ എല്ലാവര്ക്കും നേരത്തെ അറിയാമായിരുന്നു. ഇപ്പോള്‍ ഒക്ടോബര്‍ IIP നമ്പറുകള്‍ പുറത്തു വന്നപ്പോള്‍ ആര്‍ ബി ഐ ക്കും മനസ്സിലായി. പ്രത്യക്ഷത്തില്‍ കണ്ടു ബോധ്യപ്പെട്ട ശേഷം മാത്രം. എങ്കിലും റിപ്പോ നിരക്കുകളിലോ പലിശ നിരക്കുകളിലോ ചെറിയ കുറവ് പോലും വരുത്താന്‍ തയ്യാറായുമില്ല.ഫലമോ? ഓഹരി സൂചികകള്‍ 25 മാസത്തെ ഏറ്റവും കുറഞ്ഞ ലെവലില്‍ എത്തി. ഓഹരി സൂചികകള്‍ 2008 ലെ ലെവലിലേക്ക് താഴുമോ? സാധ്യതാ കുറവാണ്, പക്ഷെ ഭരണം കൈവശമുള്ളവര്‍ അതിനുള്ള തീവ്ര ശ്രമത്തിലാണെന്ന് വേണം കരുതാം.വിദേശ നിക്ഷേപര്‍ വലിയ വില്‍പ്പനക്കാരാകാന്‍ മാത്രം വലിയ നിക്ഷേപങ്ങള്‍ അടുത്തൊന്നും നടത്തിയിട്ടില്ല. 2008 ല്‍ ചെറിയ നിക്ഷേപകര്‍ ഓഹരി നിക്ഷേപത്തോട്‌ വിട പറഞ്ഞതാണ് അവരില്‍ ചെറിയ ഒരു വിഭാഗം മാത്രമേ ഇന്ന് മാര്‍ക്കറ്റില്‍ അവശേഷിക്കുന്നുള്ളൂ.അത് കൊണ്ട് വലിയ ഒരു വില്‍പ്പന സമ്മര്‍ദ്ദം ആ വിഭാഗത്തില്‍ നിന്നും ഇനി ഉണ്ടാകാന്‍ ഇടയില്ല. മാര്‍ക്കെറ്റ് മുന്നോട്ടു പോകണമെങ്കില്‍ (ഇടയ്ക്കിടെ ഉണ്ടായേക്കാവുന്ന ടെക്നിക്കല്‍ പുള്‍ ബാക്ക് ഒഴികെ ) സര്‍ക്കാര്‍ പോളിസി രംഗത്ത്‌ ശക്തമായ നടപടികള്‍ക്ക് തയ്യാറാകണം. ഇന്ത്യയില്‍ ഭരണം നടക്കുന്നുണ്ടെന്ന ധാരണ ജനങ്ങളില്‍ ഉണ്ടാക്കണം.ഇപ്പോള്‍ തന്നെ എന്താണ് നടക്കുന്നത്? അന്നാ ഹസാരെ എന്ന വ്യക്തിയെ താങ്കളുടെ നേട്ടങ്ങള്‍ക്ക്‌ എങ്ങിനെ ഉപയോഗിക്കാം എന്നാണ് കൂടെ നില്‍ക്കുന്നവരും പ്രതി പക്ഷവും ആലോചിക്കുന്നത്. താഴെ തട്ടിലെ ഉദ്യോഗസ്ഥരെ കൂടി ലോക്പാല്‍ പരിധിയില്‍ കൊണ്ട് വരുന്നതും, ന്യായാധിപരും, സി ബി ഐ യും പ്രധാനമന്ത്രിയും അടക്കം സര്‍വ്വവും കാല്‍കീഴില്‍ വരുന്നതോടെ ലോക്പല്‍ ഒരു പക്ഷെ ഭസ്മാസുരന്റെ രൂപം കൈക്കൊള്ളാന്‍ സാധ്യതാ ഉണ്ടെന്നു അറിയാത്തവര്‍ അല്ല ഇന്ത്യയിലെ പ്രതി പക്ഷം.ജനങ്ങള്‍ തിരഞ്ഞെടുത്ത ഭരണകൂടത്തിനു മുകളില്‍ ചിലരാല്‍ തിരഞ്ഞെടുക്കപ്പെടുന്ന ഒരു സൂപ്പര്‍ ഭരണകൂടം ആയിക്കൂടെന്നില്ല ഈ സര്‍വ്വ ശകതനായ ലോക് പാല്‍. എന്നാല്‍ അന്നാ പറയുന്നതൊക്കെ(അതോ പറയിപ്പിക്കുന്നതോ) ശരിയാണെന്നും ഇതൊക്കെ നടപ്പാക്കാന്‍ സര്‍ക്കാര്‍ മടിക്കുന്നത് അവര്‍ അഴിമതിക്കാര്‍ ആയതു കൊണ്ടാണെന്ന് ജനങ്ങളോട് പറഞ്ഞാല്‍ രാഷ്ട്രീയ ലാഭം നേടാമെന്ന് പ്രതിപക്ഷം കരുതുന്നു. എങ്കില്‍ പിന്നെ അത് തന്നെ നടക്കട്ടെ എന്ന് തീരുമാനിക്കാന്‍ ഇന്ന് മന്ത്രി സഭക്ക് കഴിഞ്ഞാല്‍ അത് ഭാവിയില്‍ എല്ലാവര്ക്കും ദോഷം ചെയ്യുമെങ്കിലും തല്ക്കാല നേട്ടം ഭരിക്കുന്നവര്‍ക്കുണ്ടാകും. ഈ മാസാവസാനം നടക്കാനിരിക്കുന്ന മെഗാ ലൈവ് അന്നാ സമരം ഉണ്ടാകില്ല. എങ്കില്‍ ശ്വാസം വിടാനും കുറച്ചെങ്കിലും ഭരണം നടത്താനും കഴിയും. എന്നാല്‍ ഇതില്‍ സര്‍ക്കാരിനു താല്പര്യം ഉണ്ടെന്നു തോന്നുന്നില്ല. ഇന്നത്തെ അവസ്ഥ നോക്കൂ. രോഗബാധിത ആയ ശേഷം യുപിഎ ചെയര്‍പെര്സന്‍ പൂര്‍ണ്ണ നിശബ്ദ ആയിരിക്കുന്നു. പ്രശ്നങ്ങള്‍ കഴിയുന്നത്ര മോശമാക്കി പരിഹാരം തേടുക എന്ന പ്രധാന മന്ത്രിയുടെ നയത്തിന്റെ ഭാഗമാണ് അദ്ദേഹത്തിന്റെ മുല്ലപ്പെരിയാര്‍ നയവും ഇപ്പോള്‍ നടത്തിയിരിക്കുന്ന കൂടംകുളം പ്രസ്ഥാവനയും.കൂടംകുളത്തെ ജനങളുടെ ആശങ്ക അകറ്റി മുന്നോട്ടു പോകേണ്ട പ്രധാന മന്ത്രി പദ്ധതിയുടെ ഉദ്ഘാടന സമയം റഷ്യ യില്‍ പോയി പ്രഖ്യാപിക്കുന്നത് ആ പദ്ധതി വൈകിപ്പിക്കാനെ സഹായിക്കൂ എന്ന് തോന്നുന്നു.അതെ നയം തന്നെ ആണ് കേന്ദ്ര ആഭ്യന്തര മന്ത്രിയുടെയും. തനിക്കു ചുറ്റും ഉരുണ്ടു കൂടുന്ന അഴിമതിയുടെ വലിയ ആരോപണങ്ങളെ നേരിടാന്‍ ചിദംബരം കണ്ടു പിടിച്ചത് മലയാളിയെ പ്രകോപിച്ച്‌ പ്രാദേശിക പിന്തുണ ആര്‍ജജിക്കുക എന്ന അന്തസ്സില്ല്ലാത്ത വഴിയാണ്. ധന മന്ത്രിയോ ? കേന്ദ്ര മന്ത്രി സഭ എടുത്ത റീടെയില്‍ എഫ് ഡിഐ അനുവദിച്ച തീരുമാനം പിന്‍വലിച്ച തീരുമാനം അറിയിക്കാന്‍ ചുമതലപ്പെടുത്തിയത് കേന്ദ്ര മന്ത്രി അല്ലാത്ത പ്രാദേശിക പാര്‍ട്ടി നേതാവിനെ. ഈ ഒളിച്ചു കളി എന്നെങ്കിലും അവസാനിക്കുമോ? വാങ്ങിയ ഓഹരികള്‍ക്ക് വില കുറയുമ്പോള്‍ കൂടുതല്‍ വാങ്ങി ആവറേജ് ചെയ്യുന്ന രീതി സാധാരണ സമയങ്ങളില്‍ ഗുണം ചെയ്തേക്കാം. എന്നാല്‍ ഇങ്ങിനെ ബോട്ടം എവിടെ ആണെന്ന് ഒരു പിടിയും ഇല്ലാത്ത ഒരു വിപണിയില്‍ അത് ദോഷം ചെയ്തേക്കാം.ഇത് നിക്ഷേപകനെ ഭീതിപ്പെടുത്തുന്ന മാര്‍ക്കറ്റ് ആണ്. ആദ്യം കുറച്ചു പേരെ മാത്രം ബാധിച്ചിരുന്ന ഭീതി ദിവസം കഴിയും തോറും കൂടുതല്‍ പേരിലേക്ക് പടരുന്നു. ഇങ്ങിനെ ഒരു ടോട്ടല്‍ പാനിക് ഉണ്ടാകുന്നതു വരെ കൂടുതല്‍ ആവരേജിംഗ് നടത്തി കാത്തിരിക്കുന്നവരോ നേരത്തെ ഭീതി ബാധിച്ചു മാറി നില്‍ക്കുന്നവരോ ആരായിരിക്കും അന്തിമ വിശകലനത്തില്‍ നേട്ടം ഉണ്ടാക്കുക? എല്ലാ ഓഹരികളും വിറ്റു ഒരു നിക്ഷേപകന് മാറി നില്ക്കാന്‍ കഴിയില്ല.എന്നാല്‍ തനിക്കു വ്യക്തമായ അറിവുള്ള കമ്പനികളിലേക്ക് നിക്ഷേപം ചുരുക്കണം.മിഡ് കേപ് ഓഹരികള്‍ നല്ല അന്തരീക്ഷത്തില്‍ മികച്ച നേട്ടം ഉണ്ടാക്കും. എന്നാല്‍ വളര്‍ച്ചക്ക് ആവശ്യമായ ഫണ്ട് സ്വരൂപിക്കാന്‍ ഉള്ള സാഹചര്യം ഇല്ലാതാകുക,ലാഭം മുഴുവന്‍ പലിശ ഇനത്തില്‍ നഷ്ടം ആകുക ,ഉല്‍പ്പന്നങ്ങള്‍ക്ക് വിലയില്ലതാകുക, ആവശ്യക്കാര്‍ ഇല്ലാതാകുക പോലുള്ള അവസരം ഉണ്ടാകുമ്പോള്‍ പിടിച്ചു നില്‍ക്കാന്‍ വലിയ കമ്പനികള്‍ക്ക് കഴിയും. എന്നാല്‍ ചെറിയ കമ്പനികള്‍ പലതും ഇത്തരം അവസ്ഥയെ അതിജീവിക്കില്ല. അത് കൊണ്ട് വിപരീത സാഹചര്യങ്ങളില്‍ വ്യക്തമായി ധാരണകള്‍ ഉള്ള ചെറിയ കമ്പനികളില്‍ മാത്രം നിക്ഷേപിച്ചു കൂടുതല്‍ നിക്ഷേപങ്ങള്‍ ഒരേ സമയം വിവധ മേഖലകളില്‍ പ്രവര്‍ത്തിക്കുന്ന (ഉദാഹരാണം: ITC) ബ്ലൂ ചിപ്പ് ഓഹരികളിലേക്ക് മാറ്റുക .സ്റ്റോപ്പ്‌ ലോസ് നിര്‍ബന്ധമായും പാലിക്കുക. ഇതൊക്കെയേ ഇപ്പോള്‍ നമുക്ക് ചെയ്യാനാകൂ...

ഫ്ലാഷ് ന്യൂസ്‌

noreply@blogger.com (sasi) — Tue, 11 Oct 2011 07:58:00 +0000

ധനലക്ഷ്മി ബാങ്ക് കേരളം ആസ്ഥാനമായി പ്രവര്‍ത്തിക്കുന്ന മറ്റു ബാങ്കുകളെ അപേക്ഷിച്ച് മോശം പ്രകടനം ആണ് കഴിഞ്ഞ കുറെ നാളുകളായി നടത്തി വരുന്നത്. ഇന്ത്യയിലെ ഏറ്റവും മികച്ച അഞ്ചു ബാങ്കുകളില്‍ ഒന്നായി വളരാല്‍ ഉള്ള ശ്രമത്തിനിടയില്‍ ഉണ്ടാകുന്ന ബാലാരിഷ്ടതകള്‍ ആണീ മോശം പ്രകടനത്തിന് കാരണം എന്ന ബാങ്കിന്റെ വാദത്തോട് യോജിക്കാനും കഴിയില്ല. എന്തൊക്കെ ആയാലും ഒരു ഫ്ലാഷ് ന്യൂസ്‌ വരുന്നതോടെ ഓഹരി വിലകളില്‍ വന്‍ തകര്‍ച്ച ഉണ്ടാകുന്ന അവസ്ഥ എപ്പോഴും ന്യായീകരിക്കാവുന്നതല്ല . Money matters,സണ്‍ TV , തുടങ്ങിയ ഓഹരി വിലകള്‍ കള്ളക്കളികള്‍ പിടിക്കപ്പെട്ടപ്പോഴും , മാരന്‍ കുടുംബ വീടുകള്‍ റെയ്ഡ് ചെയ്തപ്പോഴുംതകര്‍ന്നതിന് സമാനമായ സാഹചര്യമല്ല ധനലക്ഷ്മി ബാങ്ക് നേരിടുന്നത്. ബാങ്ക് ഓഫീസര്‍ യൂണിയന്‍ (ഈ യൂണിയന്‍ അംഗങ്ങള്‍ ഈ ബാങ്കില്‍ വളരെ കുറവാണെന്നും കേള്‍ക്കുന്നു) ഇന്ന് വെളിപ്പെടുത്തിയ സാമ്പത്തിക ക്രമക്കേട് ആരോപണം അവര്‍ ഇന്ന് പെട്ടെന്ന് മനസ്സിലാക്കിയ കാര്യങ്ങള്‍ അല്ല. നേരത്തെ അറിയാവുന്ന കാര്യങ്ങള്‍ ഇന്ന് നല്ല സമയം നോക്കി വെളിപ്പെടുത്തി എന്ന് മാത്രം.ഇത് കരുതിക്കൂടി ബാങ്കിനെ കരി തേക്കാന്‍ ഉദ്ദേശിച്ചു നടത്തിയത് അതോ അതോ കഴമ്പുള്ള ആരോപണങ്ങള്‍ ആണോ എന്ന് കാലം തെളിയിക്കും.ഇത്തരം ആരോപണം വരുമ്പോള്‍ അതിന്റെ സത്യാവസ്ഥ അന്വേഷിക്കുന്നതോടൊപ്പം ഈ ആരോപണം നടത്തിയവരോ അവരുമായി അടുപ്പം ഉള്ളവരോ ഈ ഓഹരിയില്‍ ഇന്ന് ഷോര്‍ട്ട് സെല്ലിംഗ് വഴി നേട്ടം ഉണ്ടാക്കിയിടുണ്ടോ എന്ന് കൂടി അന്വേഷിക്കണം. ബാങ്ക് യൂണിയനുകള്‍ ഇത്തരം ആരോപണങ്ങള്‍ ഉന്നയിക്കുന്നത് കേരളത്തില്‍ ഇത് ആദ്യമായല്ല.ലോര്‍ഡ്‌ കൃഷണ ബാങ്ക് fedaral bank ഏറ്റെടുക്കാന്‍ ശ്രമിച്ചപ്പോള്‍ അങ്ങിനെ സംഭവിച്ചാല്‍ Federal bank തകരും എന്നായിരുന്നു വാദം.അത് നടന്നില്ല .ആതെ bank ഇന്ന് HDFC ബാങ്കിന്റെ ഭാഗം ആയപ്പോള്‍ HDFC ബാങ്കിന് ഒരു കോട്ടവും പറ്റിയില്ല.ആര്‍ക്കും പരാതിയും ഇല്ല. ഒരിക്കല്‍ SBT തകരാന്‍ പോകുന്നു എന്ന് bank യൂണിയനുകള്‍ പ്രചരിപ്പിക്കുന്ന സാഹചര്യവും ഉണ്ടായിട്ടുണ്ട്. എന്ന് കരുതി യൂണിയന്‍ ചെയ്തത് തെറ്റാണെന്നോ പറഞ്ഞത് കളവു ആണെന്നോ എനിക്ക് അഭിപ്രായമില്ല.ശരിയും തെറ്റും അറിയുന്നതിന് മുന്‍പ് അവരുടെ ആരോപണം അന്തിമ വിധി ആയി അംഗീകരിക്കാന്‍ കഴിയില്ല എന്ന് മാത്രം. സാങ്കേതികമായി വളരെ വീക്ക്‌ അയ ഓഹരി ആണ് ധനലക്ഷ്മി ബാങ്ക്. വില്‍പ്പന സമ്മര്‍ദ്ദം വന്നപ്പോള്‍ ഓഹരി നിരുപാധികം കീഴടങ്ങിയത് അത് കൊണ്ടാണ്.പെട്ടെന്ന് നേട്ടം മോഹിച്ചു നിക്ഷേപിക്കവുന്നാ ഓഹരി അല്ല ഈ ബാങ്ക്.എന്നാല്‍ ദീര്‍ഘ കാല നിക്ഷേപത്തിന് ഈ ഓഹരി കൊള്ളാം എന്ന അഭിപ്രായ ഉള്ള ഞാന്‍ ഇന്ന് ഒരു അവസരം മുന്നില്‍ വന്നപ്പോള്‍ അത് മുതലാക്കി എന്ന് മാത്രം.55 രൂപയ്ക്കു ലഭിച്ചപ്പോള്‍ ആണ് ഞാന്‍ ഈ ഓഹരികള്‍ വാങ്ങിയത്. ഇനിയും ഈ ഓഹരി വില 40 രൂപയിലേക്ക് പോയാല്‍ കൂടുതല്‍ വാങ്ങി ആവറേജ് ചെയ്യാനും ഉദ്ദേശിക്കുന്നു. ആരെങ്കിലും ഒരു ആരോപണം ഉന്നയിച്ചാല്‍ ഉടനെ എല്ലാ ഓഹരികളിലും നാലില്‍ ഒന്ന് വിപണി മൂല്യം മണിക്കൂറുകള്‍ കൊണ്ട് നഷ്ട്ടം ആകുന്ന സാഹചര്യം ഉണ്ടാകില്ല.ഈ ഓഹരിയില്‍ നിക്ഷേപിക്കാന്‍ എടുത്ത തീരുമാനം തെറ്റായിരുന്നില്ലേ എന്ന് ചിന്തിക്കുന്ന വളരെ അധികം നിക്ഷേപകര്‍ ഈ ഓഹരി കൈ വശം വച്ചിരുന്നു.( SIB,AXIS,YES, INDUSIND പോലുള്ള ബാങ്കുകളില്‍ നിക്ഷേപിച്ചവര്‍ നല്ല നേട്ടം ഉണ്ടാക്കിയപ്പോള്‍ ധനലക്ഷ്മി നിക്ഷേപകര്‍ക്ക് പറയാന്‍ ഉള്ളത് നഷ്ട്ടക്കണക്കുകള്‍ മാത്രം).ഒരു പ്രത്യേക വാര്‍ത്ത‍ മുതലാക്കി ഒരു ഓഹരിയില്‍ ഒരു ദിവസത്തേക്ക് എങ്ങിനെ കളിക്കാം എന്ന് അറിയാവുന്ന നിക്ഷേപകരുടെ സമീപനം കൂടി തകര്‍ച്ചക്ക് ആഴം കൂട്ടിയിട്ടുണ്ടാകം. വിദേശ നിക്ഷേപകര്‍ക്ക് മുന്‍ തൂക്കം ഉള്ള ഒരു ഓഹരിയാണ് ധനക്ഷ്മി .വിവാദങ്ങളില്‍ പെടുന്ന ഓഹരികളില്‍ നിന്നും മാറി നില്‍ക്കുക എന്ന വരുടെ പൊതു സമീപനം വില്‍പ്പന സമ്മര്‍ദം വര്ധിപ്പിചിരിക്കാം. ഒട്ടേറെ പ്രതീക്ഷകള്‍ ഉണര്‍ത്തിയ ഒരു ബാങ്ക് ആണ് ധനലക്ഷ്മി .ആ പ്രതീക്ഷകള്‍ക്ക് വലിയ കോട്ടം സംഭവിച്ചിരിക്കുന്നു. ഒരു നല്ല ടീം ഉണ്ടായതു കൊണ്ടായില്ല.പെര്‍ഫോം ചെയ്യണം. അത് ഇനിയും കഴിഞ്ഞില്ലെങ്കില്‍ ഇപ്പോള്‍ നിക്ഷേപിക്കുന്നവനും പരിതപിക്കും ഭാവിയില്‍..

ധനലക്ഷ്മി ബാങ്ക്

noreply@blogger.com (sasi) — Tue, 11 Oct 2011 07:44:00 +0000

55 രൂപയ്ക്കു ഈ ഓഹരികള്‍ 200 എണ്ണം വാങ്ങി. എല്ലാ ആരോപണങ്ങളും അറിഞ്ഞു കൊണ്ടാണ് വാങ്ങിയത്. കമ്പനി പ്രതീക്ഷിച്ച പ്രകടനം കാഴ്ച വയ്ക്കുന്നതില്‍ വിജയം കാണുന്നില്ലെങ്കിലും ഇന്ന് കണ്ട തകര്‍ച്ചക്ക് ന്യയീകരാണം ഉണ്ടെന്നു തോന്നുന്നില്ല..

കാംലിന്‍, ടാറ്റാ ഗ്ലോബല്‍..

noreply@blogger.com (sasi) — Mon, 10 Oct 2011 05:46:00 +0000

കുറച്ചു നാളായി ഓഹരി വിപണിയില്‍ നിന്ന് മാറി നില്‍ക്കുകയായിരുന്നു. മാര്‍ക്കറ്റില്‍ കാംലിന്‍ ഓഹരി വിലയില്‍ ഉണ്ടായ വലിയ ഇടിവിനു വലിയ ന്യായീകരണം ഇല്ലെന്നു തോന്നിയത് കൊണ്ട് ഇന്ന് ആ ഓഹരികള്‍ 51 രൂപയായി വാങ്ങി.ടാറ്റാ ഗ്ലോബല്‍ ബീവറേജസ് 85 രൂപക്കും വാങ്ങി.ഈ രണ്ടു ഓഹരികളും പുതുതായി വാങ്ങിയതല്ല. നേരത്തെ ഉണ്ടായിരുന്ന നിക്ഷേപം വര്‍ധിപ്പിച്ചതാണ്....

പ്രത്യാശയുടെ നാളുകള്‍ വീണ്ടും..

noreply@blogger.com (sasi) — Mon, 29 Aug 2011 03:33:00 +0000

രണ്ടാഴ്ചയായി ഒരു രാജ്യത്തിന്‍റെ മുഴുവന്‍ ശ്രദ്ധയും ആകര്‍ഷിച്ച ഒരു സമരത്തിന്‌ താത്കാലിക അന്ത്യം ഉണ്ടായിരിക്കുന്നു. ജന മുന്നേറ്റത്തിനു മുന്നില്‍ പാര്‍ലിമെന്റിനു പോലും മുട്ട് മടക്കേണ്ടി വന്നു. എന്നാല്‍ ഇനി മുതല്‍ നിയമങ്ങള്‍ തെരുവില്‍ നിര്‍മ്മിക്കപ്പെടും എന്ന് കിരണ്‍ ബേദിയെപ്പോലെയുള്ളവര്‍ കരുതരുത്. കാലിക പ്രാധാന്യമുള്ള ഒരു പ്രശ്നം ഉയര്‍ത്തി ബഹുമാന്യനായ ഒരു ഗാന്ധിയന്‍ നിരാഹാരം തുടങ്ങിയപ്പോള്‍ ജനങ്ങള്‍ കൂടെ നിന്ന് എന്ന് കരുതി അദ്ദേഹത്തെ തുടര്‍ന്നും ഉപയോഗിച്ച് ജന നേതാക്കള്‍ ആകാം എന്ന് അവര്‍ കരുതരുത്. ഈ പ്രശ്നം ഇത്ര വഷളാക്കിയതില്‍ കോണ്‍ഗ്രസ്‌ നേതാക്കള്‍ ആയ കപില്‍ സിബ്ബല്‍, മനീഷ് തിവാരി പോലുള്ളവര്‍ വലിയ പങ്കു വഹിച്ചപ്പോള്‍ ടീം അന്നാ യിലെ അംഗങ്ങള്‍ ആയ കിരണ്‍ ബേദിയും , അരവിന്ദ് കേജ്രിവാലും ചെറുതല്ലാത്ത പങ്കു വഹിച്ചു. MPമാര്‍ എല്ലാം ചീത്ത ആളുകളെന്നു തലയില്‍ മുണ്ടിട്ടു നാടകം കളിച്ചു കളിയാക്കിയ കിരണ്‍ ബേദിയെപ്പോലെയുള്ളവര്‍ പൊതു സമൂഹത്തെ പ്രതിനിധീകരിക്കുന്നില്ല. എല്ലാ എംപിയും കള്ളന്മാര്‍, പാര്‍ലിമെന്റ് കള്ളന്മാരുടെ കൂടാരം പൊതുജനം എന്നാല്‍ ടീം അന്നാ പറയുന്നത് മാത്രം ശരി വയ്ക്കുന്നവര്‍,അല്ലാത്തവര്‍ രാജ്യ ദ്രോഹികള്‍ ഇതൊന്നും ഗാന്ധിയന്‍ ചിന്തകള്‍ അല്ല. പാര്‍ലിമെന്റില്‍ അന്നായുടെ 3 ആവശ്യങ്ങള്‍ ചര്‍ച്ച ചെയ്താല്‍ സമരം പിന്‍ വലിക്കും എന്ന് അന്നാ തന്നോട് നേരിട്ട് പറഞ്ഞതാണ്‌ എന്ന് വിലാസ് റാവു പറയുന്നു. എന്നാല്‍ എല്ലാം ശുഭം എന്ന് തോന്നിയ സമയത്ത് പ്രശാന്ത്‌ ഭൂഷന്‍ വോട്ടെടുപ്പ് ഇല്ലാതെ സമരം അവാസനിക്കില്ല എന്ന് പറഞ്ഞതോടെ വീണ്ടും രംഗം വഷളായി. അതിനു കാരണം ആയി പറഞ്ഞത് ആരൊക്കെ ഇതിനേ എതിര്‍ക്കുന്നു എന്ന് തങ്ങള്‍ക്കു അറിയണം എന്നാണ്.ഇത് അഹങ്കാരത്തിന്റെ ഭാഷയാണ്. ജനാധിപത്യത്തിന്റെ അല്ല. ഇപ്പോള്‍ അന്നയും പറയുന്നു ,ജന ലോക്പലിനെ എതിര്‍ത്ത MP മാരുടെ മണ്ഡലങ്ങള്‍ സന്ദര്‍ശിച്ചു അവരെ വീണ്ടും തിരഞ്ഞെടുക്കരുതെന്നു ജനങ്ങളോട് ആവശ്യപ്പെടും എന്ന്. അത് നല്ല കാര്യം. ഈ ആവശ്യം ജനങ്ങള്‍ അംഗീകരിച്ചാല്‍ ആ MP തോല്‍ക്കട്ടെ. പക്ഷെ വീണ്ടും ജയിച്ചു കഴിയുമ്പോള്‍ പണക്കൊഴുപ്പ് കൊണ്ട് ജയിച്ചു എന്ന് പറയരുത്. പണം കൊടുത്താല്‍ ജനം വോട്ട് ചെയ്യുമെങ്കില്‍ ഇന്ന് തമിള്‍ നാട്ടില്‍ DMK ഭരിക്കുമായിരുന്നു.സിസ്റ്റത്തിനെ വിമര്‍ശിക്കുന്നു എന്ന പേരില്‍ പൊതു ജനത്തെ വിമര്‍ശിക്കരുത്. വോട്ട് ചെയ്തു പലരെയും തോല്‍പ്പിക്കയും ജയിപ്പിക്കയും ചെയ്ത അതെ പൊതു ജനം ആണ് രാംലീലയില്‍ ഞാന്‍ അന്നാ ആണ് എന്ന് പറഞ്ഞു തടിച്ചു കൂടിയത്. തിരഞ്ഞെടുപ്പ് രംഗത്തും പരിഷ്കരണങ്ങള്‍ ആവശ്യമാണ്‌. അതിന്റെ പേരില്‍ വീണ്ടും നിരാഹാരം ഉണ്ടാകുന്നതിനു മുന്‍പ് സര്‍ക്കാര്‍ നടപടികള്‍ ഉണ്ടാകണം. അടി കിട്ടിയാലേ ഉണരൂ എന്ന സമീപനം സര്‍ക്കാര്‍ അവസാനിപ്പിക്കണം. ഈ രാജ്യത്തു അടുത്ത കാലത്തുണ്ടായ ഏറ്റവും നല്ല നിയമം ആണ് വിവരാവകാശ നിയമം.ആ നിയമം UPA നടപ്പാക്കിയത് ആരും നിരാഹാരം കിടന്നിട്ടല്ല, എന്നാല്‍ സര്‍ക്കാരിന്റെ സ്വന്തം തീരുമാനം അനുസരിച്ചും അല്ല. ആ നിയമം ഉണ്ടായതില്‍ നാം ഒരു പരിധി വരെ ഇന്ന് വിരുദ്ധ ചേരിയില്‍ നില്‍ക്കുന്ന അരുണ റോയിയൊടും അരവിന്ദ് കേജ്രിവാളിനോടും കടപ്പെട്ടിരിക്കുന്നു. അത്തരം ഇടപെടലുകള്‍ ഇനിയും ഉണ്ടാകണം. സമരം മഹാ വിജയം ആയിരുന്നു എന്ന് പറയുന്നവര്‍ ഈ സമരം തുടങ്ങിയപ്പോള്‍ ടീം അന്നാ മുന്നോട് വച്ച ആവശ്യങ്ങള്‍ മറന്നുപോയവര്‍ ആണ്. ജന ലോകപാല്‍ ബില്‍ അതെ പടി ചര്‍ച്ച ഇല്ലാതെ ഉടനെ പാര്‍ലിമെന്റ് പാസ്സ് ആക്കണം എന്നതായിരുന്നു പ്രധാന ആവശ്യം. ജഡീഷ്യരിയും പ്രധാനമന്ത്രിയും ലോക്പല്‍ പരിധിയില്‍ വരണം. സര്‍കാരിന്റെ ബില്‍ പിന്‍ വലിക്കണം. ആരുടെ ഫോണ്‍ ചോര്‍ത്താനും ലോക പാലിന് അധികാരം. ഇത്തരം ആവശ്യങ്ങള്‍ ഇന്ന് എവിടെ പോയി. സ്റ്റാന്റിങ് കമ്മറ്റിക്ക് ഈ ബില്‍ വിടേണ്ട എന്നായിരുന്നു വേറെ ഒരു അവശ്യം.എന്ത് കൊണ്ട് സര്‍ക്കാര്‍ ഈ സമരം നേരത്തെ അവസാനിപ്പിക്കാന്‍ മുന്‍ കൈ എടുത്തില്ല എന്ന് ചോദിച്ചാല്‍ അംഗീകരിക്കാന്‍ കഴിയാത്ത ആവശ്യങ്ങള്‍ മുന്നോട്ടു വച്ചത് കൊണ്ട് എന്ന് വേണമെങ്കില്‍ ഉത്തരം പറയാം. പാര്‍ലിമെന്റ് ചര്‍ച്ചയില്‍ BJP , സിപിഎം തുടങ്ങി ഒരു കക്ഷിയും ജഡീഷ്യറി ലോകപാല്‍ പരിധിയില്‍ വരുന്നതിനോട് യോജിച്ചില്ല. പ്രധാന മന്ത്രിയുടെ പോലും ഫോണ്‍ ചോര്‍ത്താന്‍ അധികാരം വേണമെന്ന ജനലോകപാല്‍ വ്യവസ്ഥയെ അരുണ്‍ ജെട്ളി നിശിതമായാണ് വിമര്‍ശിച്ചത്. പ്രധാനമന്ത്രിയെ ഉള്‍പ്പെടുത്തുന്നതിനെ അനുകൂലിച്ച അദ്ദേഹം PM ന്റെ രാജ്യ രക്ഷാ പോലുള്ള പല വിഷയങ്ങളിലെയും തീരുമാനങ്ങളെ ലോകപാല്‍ പരിധിയില്‍ നിന്നും ഒഴിവാക്കണം എന്ന് നിര്‍ദ്ദേശിച്ചു. ഇങ്ങിനെ ആയിരിക്കണം ഒരു ബില്‍ ഉണ്ടാകേണ്ടത്. അല്ലാതെ തെരുവില്‍ ചിലര്‍ എഴുതിക്കൊടുക്കുന്നത് അതെ പോലെ അംഗീകരിച്ചു കൊണ്ടല്ല. എന്തായാലും ജനശക്തിയും ജനാധിപത്യവും വിജയിച്ചതില്‍ നമുക്ക് അഭിമാനിക്കാം. ഇന്ന് ഏതു ലോക ജനതയ്ക്ക് ആണ് ഇന്ത്യയോടു അസൂയ തോന്നാത്തത് ?? നമുക്ക് അഭിമാനിക്കാം..ഇന്ത്യക്കാരന്‍ ആയതില്‍..അന്നാ ഹസരെയോടു നന്ദി പറയാം ഗാന്ധിയന്‍ സമര മുറകളുടെ പ്രസക്തി ഇന്ത്യയില്‍ അപ്രസക്തമായിട്ടില്ലെന്നു ലോകത്തിനു കാണിച്ചു കൊടുത്തതില്‍.. ഇന്ന് ഈ സമരത്തിന്റെ ശുഭാന്ത്യം ഓഹരി വിപണി ഗംഭീരമായി ആഘോഷിക്കും . പക്ഷെ പണപ്പെരുപ്പം നിയന്ത്രണ വിധേയം ആകാതെ ,പലിശ നിരക്ക് കുറയാതെ, സര്‍ക്കാര്‍ പോളിസികള്‍ തീരുമാനിക്കുന്നതിലും നടപ്പാക്കുന്നതിലും വേഗതയും സുതാര്യതയും ഉണ്ടാകാതെ കരടികളോടുള്ള വിപണിയുടെ ആഭിമുഖ്യം ഉടനെ അവസാനിക്കും എന്ന് തോന്നുന്നില്ല ..

അഴിമതി തടയാന്‍ ബീഹാര്‍ ഇനി YouTube ഉപയോഗപ്പെടുത്തും...

noreply@blogger.com (sasi) — Fri, 26 Aug 2011 06:46:00 +0000

ഇന്ത്യയിലെ ദരിദ്ര സംസ്ഥാനങ്ങളില്‍ ഒന്നാമനായിരുന്ന ബീഹാര്‍ ഇന്ന് മാറിയിരിക്കുന്നു, ഒരു പാട്. ഈ മാറ്റം അവരുടെ സമീപനങ്ങളിലും ദൃശ്യമായി തുടങ്ങിയിരിക്കുന്നു. അന്ന ഹസാരെ സമരത്തിന്റെ ഏറ്റവും നല്ല വശം ആതുണ്ടാക്കിയ അവബോധം ആണ്. അഴിമതിക്കെതിരെ പ്രതികരിക്കാന്‍ പൊതുജനത്തിന് ഭയം മാറിയിരിക്കുന്നു. അഴിമതി ആരോപണത്തിന് എതിരെ കണ്ണടക്കാന്‍ അധികാരികള്‍ ഭയക്കുകയും ചെയ്യുന്നു. ഇന്ദിര ആവാസ് യോജന സ്കീം അനുസരിച്ച് ഏതാണ്ട് പത്തു ലക്ഷത്തോളം ബീഹാറിലെ പാവപ്പെട്ടവര്‍ക്ക് വീട് വക്കാന്‍ സാമ്പത്തിക സഹായം നല്‍കുന്ന പദ്ധതി തുടക്കമായിരിക്കുന്നു.സാമ്പത്തിക സഹായത്തിന്റെ ആദ്യ ഗഡു വിതരണം നടക്കുകയാണ്. ഇതിനു വേണ്ടി കേന്ദ്ര സര്‍ക്കാര്‍ ബീഹാറിന് 3000 കോടി രൂപ അനുവദിക്കയും ചെയ്തിരിക്കുന്നു. ഈ പണം ലഭിക്കുന്നതിനു പാവപ്പെട്ടവന്‍ ഇടനിലക്കാരനും ഉദ്യോഗസ്ഥനും കൈക്കൂലി നല്‍കേണ്ടി വരുന്നു. ഈ പദ്ധതി വഴി പണം വിതരം ചെയ്യുമ്പോള്‍ തന്നെ ഇതുമായി ബന്ധപ്പെട്ട പരാതികള്‍ കേള്‍ക്കാനും ബീഹാര്‍ സര്‍ക്കാര്‍ സൗകര്യം ഒരുക്കിയിരിക്കുന്നു. പരാതികള്‍ എഴുതി വാങ്ങുന്നതോടൊപ്പം പരാതികള്‍ വീഡിയോ റെക്കോര്‍ഡ്‌ ചെയ്യുന്നു. ഈ പരാതികള്‍ പരിശോധിച്ച് വീഡിയോകള്‍ ഒന്നൊന്നായി YouTube ല്‍ അപ്‌ലോഡ്‌ ചെയ്തു അഴിമതിക്കാരെ നാറ്റിക്കാന്‍ ആണ് സര്‍ക്കാര്‍ ശ്രമം . ഇത് എത്രമാത്രം വിജയിക്കും എന്ന് കാത്തിരുന്ന് കാണാം. എന്തായാലും പുതുമയുള്ള ഈ ശ്രമത്തെ സ്വാഗതം ചെയ്യാം..

ജനക്കൂട്ടാധിപത്യം

noreply@blogger.com (sasi) — Fri, 26 Aug 2011 04:39:00 +0000

ജനാധിപത്യത്തിനു മുകളില്‍ ജനക്കൂട്ടാധിപത്യം വിജയിച്ചു. ഇത് വരെ ശരി. ഇനി ജനക്കൂട്ടത്തിനു സര്‍വാധിപത്യം വേണമെന്ന് വാദിക്കരുത്. അന്നാ ഹസാരെ നിരാഹാരം അവാനിപ്പിക്കണം. ഇനി പാര്‍ലിമെന്റ് ചര്‍ച്ച കഴിയുന്നത്‌ വരെ സമരം അവസാനിക്കരുത് എന്നുണ്ടെങ്കില്‍ കിരണ്‍ ബേദിയോ, അരവിന്ദ് കേജ്രിവാള്‍ ,പ്രശാന്ത്‌ ഭൂഷന്‍ ഇവര്‍ ആരെങ്കിലും നിരാഹാരം കിടക്കട്ടെ. അന്നായുടെ ജീവന്‍ വിലപ്പെട്ടതാണ്‌. അത് ബ്ലാക്ക്‌ മെയില്‍ ഉപാധി ആകരുത്. നാട്ടില്‍ അഴിമതി കൊടികുത്തി വാഴുന്നു. സത്യം. ഭരണ വര്‍ഗ്ഗവും പ്രതിപക്ഷവും അഴിമതിക്ക് കൂട്ടുനില്‍ക്കുന്നു..അതിലേറെ വലിയ സത്യം. അഴിമതിക്ക് എതിരെ ശക്തമായി പ്രതികരിച്ച അന്നായുടെ കൂടെ പൊതു ജനം അണിനിരന്നത് സ്വാഭാവികം. ജനം സഹി കെട്ടിരിക്കുന്നു. ഇതിനൊരു അവസാനം വേണം. എന്ന് കരുതി ഈ ജന പിന്തുണ എന്തും ചെയ്യാന്‍ ഉള്ള ലൈസന്‍സ് ആയി അന്നയുടെ ഉപദേശകര്‍ കരുതരുത്. ഇത് ജനാധിപത്യ ഇന്ത്യ ആണ്. ഇവിടെ ജനാധിപത്യം ഉണ്ടായതു 10 ദിവസത്തെ ഉപവാസം കൊണ്ടല്ല. അത് 10 ദിവസത്തെ ഉപവാസം കൊണ്ട് ഇല്ലാതാക്കാന്‍ ശ്രമിക്കുന്നത് അപകടമാണ്..അത് ജനം തിരിച്ചറിയണം..അറിഞ്ഞു തുടങ്ങിയിരിക്കുന്നു.. ഈ സമരം ഈ നിലയില്‍ എത്തിച്ചത് ഒരു കാര്യവും നേരെ ചൊവ്വേ ചെയ്യാന്‍ അറിയാത്ത കേന്ദ്ര സര്‍ക്കാര്‍ ആണ്. അന്നായെ അഴിമതിവീരന്‍ എന്ന് വിളിച്ചതും അറസ്റ്റ് ചെയ്തതും എല്ലാം സമരതീയില്‍ എണ്ണ ഒഴിക്കുന്ന നടപടികള്‍ ആയിരുന്നു. പ്രധാന മന്ത്രിയുടെ ആദ്യ പ്രതികരണങ്ങളും തെറ്റായിരുന്നു. ഇന്ന് സര്‍ക്കാര്‍ ജനരോഷത്തിന്റെ ശക്തി തിരിച്ചറിഞ്ഞിരിക്കുന്നു. പ്രധാന മന്ത്രി ഇപ്പോള്‍ പറയുന്നതും പ്രവര്‍ത്തിക്കുന്നതും ശരിയായ ദിശയില്‍ ആണ്. അത് അന്നാ അംഗീകരിക്കാന്‍ വൈകിക്കൂടാ.അതിനു ഉപദേശകര്‍ മുന്‍ കൈ എടുക്കണം. സര്‍ക്കാര്‍ ലോകപാല്‍ ബില്ലും, ജനലോക്പാല്‍ , അരുണ റോയിയുടെ ലോകപാലും,ജയ പ്രകാശ്‌ നാരായണന്റെ ലോക് സത്തയും ഇന്നുമുതല്‍ പാര്‍ലിമെന്റ് ചര്‍ച്ച ചെയ്യും. ചര്‍ച്ചയിലൂടെ അന്നാ ഹസരേക്കും പൊതു ജനത്തിനും സ്വീകാര്യമായ ഒരു ബില്‍ നിയമമാകും. അതിന്റെ പരിധിയില്‍ പ്രധാന മന്ത്രിയും വരും.(ഭാവിയില്‍ ഇന്ത്യ അതിന്റെ ദോഷങ്ങള്‍ ചര്‍ച്ച ചെയ്യാതിരിക്കില്ല) .ഇത് വരെ ചെയ്തതൊക്കെ ശരി. ഇനിയിപ്പോള്‍ ഞാന്‍ പറയുന്ന 3 കാര്യങ്ങള്‍ കൂടി നിയമം ആകും എന്നുറപ്പ് തരാതെ സമരം അവസാനിപ്പിക്കില്ല എന്ന് പറയുന്നത് ശരിയല്ല. ജനാധിപത്യത്തെ ജനക്കൂട്ടാധിപത്യം ഉപയോഗിച്ചുള്ള വെല്ലു വിളിക്കല്‍ ആണ്. അത് ഉണ്ടായിക്കൂടാ. സമരം അവസാനിപ്പിക്കണം. നിയമ നിര്‍മ്മാണത്തിന് ജനങ്ങള്‍ തിരഞ്ഞെടുത്ത പ്രതിനിധികളെ (അവരില്‍ അഴിമതിക്കാര്‍ ഉണ്ടാകാം,ഉണ്ട്) നോക്ക് കുത്തികള്‍ ആക്കി അന്നാ പറയുന്നതാകണം നിയമം എന്ന് പറയരുത്. അത് ശരിയല്ല. അറിഞ്ഞിടത്തോളം ജനലോക്പല്‍ ഏതാണ്ട് പൂര്‍ണ്ണമായി തന്നെ MP മാര്‍ അംഗീകരിക്കാന്‍ ഇടയുണ്ട് . എന്നാല്‍ താന്‍ പറയുന്ന 3 കാര്യങ്ങള്‍ പാസ്‌ ആകുന്ന ബില്ലില്‍ ഉണ്ടായിരിക്കും എന്ന് ഉറപ്പു കൊടുക്കണം എന്ന് പറയുന്നത് കാട്ടു നീതി ആണ്.ചര്‍ച്ചക്ക് മുന്‍പ് പാസ്‌ ആകുന്ന ബില്ലില്‍ ചില കാര്യങ്ങള്‍ ഉണ്ടാകും എന്ന് ഉറപ്പു കൊടുക്കാന്‍ പ്രധാനമന്ത്രിക്ക് അധികരാമുണ്ടോ? എന്താണീ പരമ പ്രധാനമായ ഈ മൂന്നു കാര്യങ്ങള്‍??. ലോക് ആയുക്ത എല്ലാ സംസ്ഥാനത്തും ഉണ്ട്ടാകണം എന്നത് ആണ് ഒരു ഉറപ്പ് . ഇത് ആനക്കാര്യം ആണോ? കേരളത്തിലും കര്‍ണാടകയിലും എല്ലാ ലോക് ആയുക്ത ഇപ്പോഴേ ഉണ്ടല്ലോ.. എന്നിട്ട് ഈ സംസ്ഥാനങ്ങള്‍ അഴിമതി മുക്തം ആയോ? ഇപ്പോള്‍ വലിയ ഉദ്യോഗസ്ഥര്‍ മാത്രം ആണ് ലോക് ആയുക്തയുടെ പരിധിയില്‍ വരുന്നത്. ചെറിയ ഉദ്യോഗസ്ഥരും കൂടി വരണം . ആ ഉറപ്പ് നല്‍കണം . 11 പേരുടെ കമ്മറ്റി ഇന്ത്യ മഹാരാജ്യത്തിലെ എല്ലാ അഴിമതിയും (പ്രധാന മന്ത്രി മുതല്‍ പ്യൂണ്‍ വരെ) ഞൊടിയിട കൊണ്ട് അന്വേഷിക്കും. ശിക്ഷിക്കും. ഇത് നടപ്പുള്ള കാര്യം ആണോ.ചെറുതായി തുടങ്ങി അധികാരങ്ങള്‍ വിപുലീകരിക്കാമല്ലോ. ഇത്തരം ബാലിശമായ ആവശ്യങ്ങളുടെ പേരില്‍ ഈ സമരം നീട്ടിക്കൊണ്ടു പോകുന്നത് അപകടം ആണ്.എല്ലാവരും നാളെ ദില്ലിക്ക് ചെല്ലണം എന്നാണ് ടീം അന്നാ പറയുന്നാത്. മസില്‍ പവര്‍ കൊണ്ട് നിയമ വ്യവസ്ഥയെ മറി കടക്കാന്‍ ഇനിയുള്ള ശ്രമങ്ങള്‍ നല്ലതല്ല. എങ്കില്‍ ഒരു ദിവസം അവര്‍ക്ക് താല്പര്യം ഉള്ള ഒരു നിയമം പാസ്‌ ആക്കണമെന്ന് പറഞ്ഞു ലക്ഷങ്ങളെ ഡല്‍ഹിയില്‍ കൊണ്ട് വരുന്ന മയാവതിമാരെയും ലാലുമാരെയം ഒക്കെ നമുക്ക് കാണേണ്ടി വരും. അന്ന് അവരോടു പാര്‍ലിമെന്റിന്റെ പരമാധികാരത്തെക്കുറിച്ച് വീമ്പു പറയാന്‍ നമുക്ക് കഴിയില്ല. ജനക്കൂട്ടം നിയമ നിര്‍മ്മാണം നടത്തിയ കഥാ പറഞ്ഞു നമുക്ക് സന്തോഷിക്കണം എങ്കില്‍ ഈ സമരം ഇന്ന് തീരണം..അല്ലെങ്കില്‍ ...ഇന്ത്യയെ ദൈവം രക്ഷിക്കട്ടെ..

ലോക് പാല്‍ വിവാദം ആര്‍ക്കു വേണ്ടി?

noreply@blogger.com (sasi) — Thu, 18 Aug 2011 14:42:00 +0000

ലോക് പാല്‍ ബില്‍ നിയമമാകേണ്ടത് നാടിന്റെ ആവശ്യമാണ്.കഴിഞ്ഞ നാല്‍പ്പതു വര്‍ഷത്തില്‍ ഏറെയായി ഇത്തരം ഒരു ബില്‍ ലോക് സഭ അംഗീകരിച്ചിട്ട്‌ .പക്ഷെ ഒരിക്കലും നടപ്പിലായില്ല,നടപ്പിലാകരുതെന്നു ബന്ധപ്പെട്ടവര്‍ ആഗ്രഹിച്ചത്‌ കൊണ്ട് തന്നെ. ഇത്തവണ അത് നടപ്പിലാകുമെങ്കില്‍ അതിനു നാട് നന്ദി പറയേണ്ടി വരിക അന്നാ ഹസാരെയോടാണ്.പക്ഷെ എന്തും വിവാദം ആക്കുക. അത് ആളിപടര്‍ത്തി നാടിനെ മറ്റുള്ളവരുടെ മുന്നില്‍ ചെറുതാക്കുക.ഇതൊക്കെ ഒരു പരിധി വരെ ഒഴിവാക്കാമായിരുന്നു.സര്‍ക്കാരിനു അതിനു കഴിഞ്ഞില്ല, ഹസാരെക്കും കഴിഞ്ഞില്ല. എന്താണ് ഇവിടെ ഇപ്പോള്‍ ഇത്ര വലിയ ഇഷ്യൂ. അറബ് രാജ്യങ്ങളില്‍ നടക്കുന്നത് പോലെ ഭരണകൂട ഭീകരതയ്ക്ക് എതിരായ ഒരു സമരത്തില്‍ ആണോ നാം ഇന്ന്? പരിധി വിട്ടു പോകുന്ന വികാരപ്രകടനങ്ങള്‍ നമ്മുടെ രാജ്യത്തിന്‌ എത്ര ദോഷം ചെയ്യും എന്ന് ആരാണ് ചിന്തിക്കുന്നത്? സോഷ്യല്‍ നെറ്റ് വര്‍ക്കിംഗ്‌ സൈറ്റുകള്‍ (പ്രത്യേകിച്ച് ഫേസ് ബുക്ക്‌ )വഴി വരുന്ന സമരാഹ്വാനങ്ങള്‍ വസ്തുതകള്‍ വിലയിരുത്താതെ ഏറ്റെടുക്കുകയും പ്രചരിപ്പിക്കയും ചെയ്താല്‍ ഞാന്‍ രാജ്യസ്നേഹി, അല്ലെങ്കില്‍ രാജ്യദ്രോഹി.അങ്ങിനെ ഒരു രാജ്യസ്നേഹി ആകുന്നതില്‍ എനിക്ക് താല്പര്യമില്ല. നാളെ അന്നാ ഹസാരെ തുടങ്ങാന്‍ പോകുന്ന സമരത്തിന്‌ മുന്നോടിയായി സര്‍ക്കാര്‍ കാണിച്ചതെല്ലാം അബദ്ധങ്ങള്‍ ആയിരുന്നു.സര്‍ക്കാര്‍ ഹസാരെയെയും കൂട്ടരെയും ഭയക്കുന്നു എന്ന തോന്നല്‍ അത് ശക്തമാക്കി.ശരിയായ തീരുമാനങ്ങള്‍ വേണ്ട സമയത്ത് എടുക്കാന്‍ പ്രാപ്തിയില്ലാത്ത ഇന്നത്തെ ഗവന്മേന്റ്റ് ആണ് ഇന്ത്യയുടെ ഏറ്റവും വലിയ ശാപം.അവരുടെ വാദങ്ങള്‍ ശരിയായി അവതരിപ്പിക്കാന്‍ പോലും അവര്‍ക്കാകുന്നില്ല. ലോക് പാല്‍ ബില്‍ അവതരിപ്പിക്കാനും പാസ് ആക്കാനും സര്‍ക്കാര്‍ തയ്യാര്‍ ആണ്. ചില്ലറ അഭിപ്രായ വ്യത്യാസങ്ങള്‍ പറഞ്ഞു തീര്‍ക്കാവുന്നതെ ഉണ്ടായുള്ളൂ. സര്‍ക്കാര്‍ ഭാഗത്തുള്ളവരുടെ അഹംഭാവവും ഹസാരെ സംഘത്തിന്റെ പിടിവാശിയും ഇതില്‍ രാഷ്ട്രീയ ലാഭം ഉണ്ടാക്കാന്‍ ഉള്ള പ്രതിപക്ഷ ശ്രമവും എല്ലാം ചേര്‍ന്നപ്പോള്‍ ഇന്ത്യ ഒരു പ്രതിസന്ധിയുടെ മുന്നില്‍ ആയി. സര്‍ക്കാര്‍ ലോക് പാല്‍ ബില്‍ ഹസാരെയും കൂട്ടരും കത്തിക്കുന്നത് കണ്ടു. അത്രയ്ക്ക് മോശം ആണോ സര്‍ക്കാര്‍ ഡ്രാഫ്റ്റ്‌ ചെയ്ത ബില്‍? ചെറുതായി താരതമ്യം ചെയ്തു നോക്കാം. G(സര്‍ക്കാര്‍): ലോക് പാലില്‍ 9 മെമ്പര്‍മാര്‍ ഉണ്ടാകും. H (ഹസാരെ) : ലോക് പാലില്‍ 10 മെമ്പര്‍മാര്‍ ഉണ്ടാകും.ഒരു ചെയര്‍ പേര്സനും. G : ചെയര്‍ പെര്‍സന്‍ ഒരു മുന്‍ സുപ്രീം കോര്‍ട്ട് ചീഫ് ജസ്റ്റിസ്‌ അല്ലെങ്കില്‍ ഒരു സുപ്രീം കോടതി ജഡ്ജി. H: അഭിപ്രായം പറഞ്ഞിട്ടില്ല. ലോക് പാല്‍ മെമ്പര്‍മാരെ തിരഞ്ഞെടുക്കുന്ന കമ്മറ്റിയിലെ അംഗങ്ങള്‍. G: പ്രധാനമന്ത്രി.ലോകസഭ സ്പീക്കര്‍.ലോകസഭ പ്രതിപക്ഷ നേതാവ്. രാജ്യസഭ പ്രതിപക്ഷ നേതാവ്.ഒരു ജഡ്ജി.ഒരു നിയമ വിദഗ്ദന്‍ .ഒരു കേന്ദ്ര മന്ത്രി. ഒരു പൊതു പ്രവര്‍ത്തകന്‍. H: പ്രധാന മന്ത്രി.ലോകസഭ പ്രതിപക്ഷ നേതാവ്. സുപ്രീം കോര്‍ട്ടിലെ ഏറ്റവും പ്രായം കുറഞ്ഞ രണ്ടു ജഡ്ജിമാര്‍.ഹൈകോടതികളിലെ ഏറ്റവും പ്രായം കുറഞ്ഞ രണ്ടു ചീഫ് ജസ്റ്റിസ്‌. CAG, ചീഫ് ഇലക്ഷന്‍ കമ്മീഷണര്‍. ആരൊക്കെ ലോക് പാല്‍ അന്വേഷണപരിധിയില്‍ വരും?. G: പ്രധാനമന്ത്രി (സ്ഥാനമൊഴിഞ്ഞ ശേഷം ), മന്ത്രിമാര്‍, MP ,സീനിയര്‍ ഉദ്യോഗസ്ഥര്‍,ട്രസ്റ്റുകള്‍. ജുഡിഷ്യറി ലോക് പാല്‍ പരിധിയില്‍ വരില്ല.ജുഡിഷ്യറിയിലെ അഴിമതി തടയാന്‍ പ്രത്യേക Judicial standards and accountability ബില്‍ കൊണ്ട് വരും. H: നിലവിലെ പ്രധാന മന്ത്രിയും,ജുഡിഷ്യറിയും കൂടി ലോക് പാല്‍ പരിധിയില്‍ വരും. അന്വേഷണം, ശിക്ഷ. G: ലോക് പാലിന് സ്വന്തമായുള്ള അന്വേഷണ ഏജന്‍സി പരാതി കിട്ടിയാല്‍ 3 മാസത്തിനകം പ്രാഥമിക അന്വേഷണം പൂര്‍ത്തിയാക്കണം.ആരോപിതന്റെ വിശദീകരണം കൂടി കേട്ട ശേഷം അന്വേഷണം തുടരേണ്ടതുണ്ടോ എന്ന് ലോക് പാല്‍ തീരുമാനിക്കും.പരാതി ലഭിച്ച ദിവസം മുതല്‍ ഒരു വര്‍ഷത്തിനകം (സാദ്ധ്യമെങ്കില്‍ 6 മാസത്തിനകം ) എല്ലാ അന്വേഷണവും പൂര്‍ത്തിയാക്കണം.തുടര്‍ന്ന് പ്രത്യേക കോടതിയില്‍ അന്യായം ഫയല്‍ ചെയ്യുകയും ആരോപിതനെതിരെ നടപടിക്കു ശുപാര്‍ശ ചെയ്യുകയും വേണം.കോടതി നടപടികള്‍ ഒരു വര്‍ഷത്തിനകം പൂര്‍ത്തിയാക്കണം. H: ലോക് പാല്‍ അന്വേഷണത്തിന് പരമാവധി ഒരു വര്‍ഷം.വിചാരണ പൂര്‍ത്തിയാക്കി വിധി പറയാന്‍ പരമാവധി ഒരു വര്‍ഷം. G: സര്‍ക്കാര്‍ ഏജന്‍സികള്‍ ലോക് പാല്‍ ആവശ്യപ്പെടുന്ന ഏതു രേഖയും നല്‍കണം.ആരുടെയെങ്കിലും ഫോണ്‍ ചോര്‍ത്തണം എങ്കില്‍ ആഭ്യന്തര മന്ത്രാലയത്തിന്റെ അനുമതി വാങ്ങണം. H: ആരുടെ ഫോണ്‍ ചോര്‍ത്താനും ലോക് പാലിന് അവകാശം ഉണ്ടാകും. G: അടിസ്ഥാനമില്ലാത്ത പരാതികള്‍ നല്‍കുന്നവര്‍ക്ക് പിഴയും ജയില്‍ ശിക്ഷയും. H: പിഴ അടച്ചാല്‍ മതി, ആരോപണം കെട്ടി ചമച്ചത് ആണെന്ന് തെളിഞ്ഞാലും. G: 1988 ലെ അഴിമതി നിരോധന നിയമത്തിന്റെ പരിധിയില്‍ വരുന്ന ആരോപണങ്ങള്‍ മാത്രം ലോക് പാല്‍ അന്വേഷിക്കും. H: റേഷന്‍ കാര്‍ഡ്‌ നല്കാന്‍ വൈകിയാല്‍ പോലും അഴിമതി ആയി കണക്കാക്കി ലോക് പാലിന് അന്വേഷിക്കാം . G: അന്വേഷണം പൂര്‍ത്തിയാക്കി ഉദ്യോഗസ്ഥനെ നീക്കണമെങ്കില്‍ ലോക് പാല്‍ ഗവന്മേന്റിനോട് ആവശ്യപ്പെടണം. H: ഉദ്യോഗസ്ഥനെ നേരിട്ട് പുറത്താക്കാന്‍ ലോക് പാലിന് അധികാരം ഉണ്ടാകും. ഈ നടപടി കോടതിയില്‍ ചോദ്യം ചെയ്യാം. G:ലോക് പാലിന് വേണ്ടി പ്രത്യേക കോടതികള്‍ ആകാം. H: ഹൈ കോര്‍ട്ട് ഫാസ്റ്റ് ട്രാക്ക് ബെഞ്ചുകള്‍ മതിയാകും. G: ആരോപണം ഉന്നയിക്കുന്നവന്റെ സുരക്ഷ - ഒന്നും പറയുന്നില്ല. H: സുരക്ഷ ഉറപ്പാക്കണം. G: ലോക് പാല്‍ കേന്ദ്ര ഗവന്മേന്റ്റ് കാര്യങ്ങള്‍ക് മാത്രം.സ്റ്റേറ്റ് ഗവര്‍മെന്റ് തല അഴിമതിക്ക് ലോക് യുക്ത. H: സ്റ്റേറ്റ് ലെവലിലും ലോക് പാലുകള്‍. ലോക് ആയുക്തയെക്കുറിച്ച് ഒന്നും പറയുന്നില്ല. ഒരു ലക്‌ഷ്യം ഉദ്ദേശിച്ചുള്ള ബില്ലിനെക്കുറിച്ച് രണ്ടു വ്യത്യസ്ഥ കാഴ്ചപ്പാടുകള്‍ സ്വാഭാവികം. ഹസാരെ സംഘത്തിന്റെ കാഴ്ചപ്പാടുകള്‍ ആണ് കൂടുതല്‍ ജനകീയം.എന്നാല്‍ സര്‍ക്കാര്‍ ഡ്രാഫ്റ്റ്‌ ചവറ്റു കുട്ടക്ക് യോഗ്യം എന്ന് പറയാന്‍ ഒക്കില്ല. തുറന്ന മനസ്സോടെ ഇരു പക്ഷവും ഒരിക്കല്‍ കൂടി ചര്‍ച്ചക്ക് തയ്യാര്‍ ആയാല്‍ സമവായം ഉണ്ടാക്കാന്‍ പ്രയാസം ഉണ്ടാകില്ല.ഇരു പക്ഷവും പ്രതിപഷ പാര്‍ട്ടികളും പ്രശ്ന പരിഹാരത്തിന് വേണ്ടി ശ്രമിക്കണം. എന്നാല്‍ ഇതൊരു മത്സരവും തങ്ങളുടെ വിജയം ആണ് പ്രധാനം എന്ന രീതിയില്‍ ആണ് എല്ലാവരും പെരുമാറുന്നത്. തോല്‍ക്കുന്നത് ഭാരതവും, ഭാരതീയരും..അതാരും കര്യമാക്കുന്നുമില്ല. ...

ഫ്രാന്‍സിനും AAA റേറ്റിംഗ് നഷ്ടമാകുമോ?

noreply@blogger.com (sasi) — Thu, 11 Aug 2011 03:02:00 +0000

അമേരിക്കക്ക് പുറകെ ഫ്രാന്‍സിനും AAA റേറ്റിംഗ് ഉടനെ നഷ്ടമാകുമെന്ന ഊഹാപോഹങ്ങള്‍ ശക്തമായതും, 147 വര്‍ഷം പഴക്കമുള്ള ഫ്രാന്‍സിലെ രണ്ടാമത്തെ വലിയ ബാങ്ക് ആയ SocGen ഓഹരി വിലയില്‍ ഉണ്ടായ തകര്‍ച്ചയും ഒരു പരിധി വരെ ഇന്നലെ യൂറോപ്പ് /അമേരിക്കന്‍ ഓഹരികളുടെ തകര്‍ച്ചക്ക് കാരണമായി. SocGen ഷെയര്‍ വില ഒരു സമയത്ത് 23% വരെ ഇന്നലെ താഴെ പോയിരുന്നു.ബാങ്ക് തകരാന്‍ പോകുന്നു എന്ന പ്രചരണം പോലും ഉണ്ടായി.ബാങ്ക് ഈ റൂമറുകള്‍ എല്ലാം നിരാകരിച്ചു എങ്കിലും SocGen ഷെയര്‍ 14.7% താഴെ ആണ് ക്ലോസ് ചെയ്തത്. അവധിക്കാലം വെട്ടി ചുരുക്കി തിരിച്ചെത്തിയ നികോളാസ് സര്‍കോസി ഇന്നലെ രണ്ടു മണിക്കൂര്‍ നീണ്ട രാജ്യത്തെ ധനകാര്യ മന്ത്രിമാരുമായി നടത്തിയ മീറ്റിങ്ങിനു ശേഷം രാജ്യത്തിന്‌ ഉറപ്പു കൊടുത്തത് രാജ്യത്തിന്റെ ഇപ്പോഴത്തെ ബജറ്റ് കമ്മി GDP യുടെ 7.1 % എന്നത് 2012 ല്‍ 4.6% ആയും 2013 ല്‍ 3% ആയും കുറക്കുമെന്നാണ്. ഫ്രാന്‍സ് ഇന്നത്തെ പ്രതിസന്ധി നേരിടേണ്ടി വരുന്നത് പല കാരണങ്ങളാല്‍ ആണ്. യൂറോപ്യന്‍ രാജങ്ങളെ സാമ്പത്തിക പ്രതിസന്ധിയില്‍ നിന്ന് രക്ഷിക്കാന്‍ ഏറ്റവും കൂടുതല്‍ പണം മുടക്കേണ്ടി വന്ന രണ്ടാമത്തെ രാജ്യം ഫ്രാന്‍സ് ആണ്. ഗ്രീസില്‍ അവര്‍ക്ക് ഉണ്ടായ നഷ്ടവും ഭീമമാണ്.ഇനി ഏതൊക്കെ രാജ്യങ്ങള്‍ യൂറോപ്പില്‍ സാമ്പത്തിക തകര്‍ച്ച നേരിടും എന്ന് പറയനും വയ്യ.ബജറ്റ് കമ്മി എന്ത് വില കൊടുത്തും താഴെ കൊണ്ട് വരും എന്ന ഫ്രാന്‍സ് തീരുമാനം പൊതുവേ സ്വാഗതം ചെയ്യപ്പെട്ടിട്ടുണ്ട്. S&P അനലിസ്റ്റ് പറഞ്ഞത് അമേരിക്കയെപ്പോലെ അല്ല ഫ്രാന്‍സ്, ബജറ്റ് കമ്മി കുറക്കുന്നതിനു വ്യക്തമായ കാഴ്ചപ്പാടുകള്‍ അവര്‍ക്കുണ്ട്,റേറ്റിംഗ് കുറയ്ക്കുമെന്ന പ്രശ്നം ഇപ്പോള്‍ ഉദിക്കുന്നില്ല എന്നാണ്.എന്നാലും നിക്ഷേപകന്റെ ഭയം ഇല്ലാതാക്കാന്‍ ഒന്നും പര്യാപ്തമാകുന്നില്ല..

പോള്‍ അപ്ഡേറ്റ് ..സ്വര്‍ണ്ണം Vs സെന്‍സെക്സ്

noreply@blogger.com (sasi) — Wed, 10 Aug 2011 15:11:00 +0000

കഴിഞ്ഞ ഓഗസ്റ്റ്‌ 10 ന് ഈ ബ്ലോഗ്ഗില്‍ ആരംഭിച്ച ഒരു പോള്‍ ഒരു വര്‍ഷം തികയ്ക്കുന്നു .ക്ലിക്ക്.അന്ന് 10 ഗ്രാം സ്വര്‍ണ്ണത്തിന്റെ വിലയും സെന്‍സെക്സും 18220 ആയിരുന്നു.ഒരിടത്ത് നിന്ന് തുടങ്ങിയ ഈ മത്സരത്തില്‍ ആരു ജയിക്കുമെന്ന ചോദ്യത്തിന് ആദ്യമൊക്കെ ഏതാണ്ട് എല്ലാവര്ക്കും സെന്‍സെക്സ് എന്ന ഒരു ഉത്തരമേ ഉണ്ടായുള്ളൂ.പിന്നീട് വിലയില്‍ വലിയ മുന്നേറ്റം ഉണ്ടായപ്പോള്‍ സ്വര്‍ണ്ണത്തിനും വോട്ടുകള്‍ നേടാനായി.എന്നിട്ടും പോളില്‍ ഇത് വരെ പങ്കെടുത്ത 113 പേരില്‍ 74 പേരും(65%) അഭിപ്രായപ്പെട്ടത് അന്തിമ വിജയം സെന്‍സെക്സിനു തന്നെ ആകും എന്നാണ്. കഴിഞ്ഞ ഒരു വര്‍ഷത്തില്‍ സെന്‍സെക്സ് 18220 ല്‍ നിന്ന് 6% കുറഞ്ഞു ഇന്ന് 17131 ല്‍ ക്ലോസ് ചെയ്തെങ്കില്‍ സ്വര്‍ണ്ണ വില 43% ഉയര്‍ന്നു 26078 ല്‍ എത്തിയിരിക്കുന്നു.ഇന്നത്തെ നില വച്ച് നോക്കുമ്പോള്‍ സെന്സെക്സിനെക്കാള്‍ 52% ഉയരത്തില്‍ ആണ് സ്വര്‍ണ്ണത്തിന്റെ നില്‍പ്പ്. സ്വര്‍ണ്ണത്തേക്കാള്‍ മികച്ച നേട്ടം നല്കാന്‍ BSE സെന്‍സിറ്റീവ് ഇന്‍ഡക്സിന് വിദൂരമല്ലാത്ത ഭാവിയില്‍ കഴിയും എന്ന പ്രതീക്ഷയോടെ പോള്‍ അടുത്ത ഒരു വര്‍ഷത്തേക്ക് കൂടി തുടരുന്നു...

ഡൌണ്‍ഗ്രേഡ് ഇന്ത്യയെ എങ്ങിനെ ബാധിക്കും?

noreply@blogger.com (sasi) — Tue, 09 Aug 2011 03:27:00 +0000

എളുപ്പത്തില്‍ ഉത്തരം പറയാവുന്ന ചോദ്യമല്ല, അമേരിക്കന്‍ ക്രെഡിറ്റ്‌ റേറ്റിംഗ് ഡൌണ്‍ ഗ്രേഡ് ചെയ്യപ്പെട്ട നടപടി ഇന്ത്യയെ എങ്ങിനെ ബാധിക്കും എന്നത്. ആദ്യമുണ്ടാകുന്നത് മന:ശാസ്ത്രപരമായ ആഘാതം ആയിരിക്കും.അത് സഹിക്കുകയെ നിവര്ത്തിയുള്ളു. ആദ്യം പ്രതികരിക്കും.പിന്നീടു ചിന്തിക്കും.ചിന്തിക്കുമ്പോള്‍ മനസ്സിലാകുക കൂടുതല്‍ ബാധിക്കാന്‍ പോകുന്നത് IT കമ്പനികളെയാണ് എന്നതാണ്. അമേരിക്കയില്‍ നിന്നുള്ള ഓര്‍ഡര്‍ കുറയുന്നതും , രൂപ ശക്തമാകുന്നതും അവയുടെ പ്രകടനത്തെ ബാധിക്കും. എന്നാല്‍ രൂപ അധികം ശക്തമാകുമോ എന്ന് പറയാന്‍ കഴിയില്ല. ഡോളര്‍ ദുര്ബ്ബലമാകുന്നത് രൂപയുടെ വില വര്‍ദ്ധിപ്പിക്കും.എന്നാല്‍ ഇന്ത്യന്‍ വിപണിയില്‍ നിന്ന് വിദേശ നിക്ഷേപകര്‍ പിന്‍വാങ്ങിയാല്‍ രൂപ വീക്ക് ആകും. മെറ്റല്‍ ഓഹരികള്‍ക്ക് വില കുറയാം.വ്യാവസായിക മാന്ദ്യം ചെറിയ തോതില്‍ പോലും ഉണ്ടായാല്‍ മെറ്റല്‍ ഉപഭോഗം കുറയും. ഇങ്ങിന ഓരോ വ്യവസായത്തെയും എങ്ങിനെ ബാധിക്കും എന്ന് വരും ദിവസങ്ങളില്‍ വ്യക്തമാകും. ഇന്ത്യയുടെ ഡോളര്‍ നിക്ഷേപം.ഇന്ത്യക്ക് അമേരിക്കര്‍ ട്രെഷറിയില്‍ വന്‍ നിക്ഷേപം ഉണ്ടെന്ന രീതിയില്‍ വന്ന പത്ര വാര്‍ത്തകള്‍ നിക്ഷേപരെ കാര്യമില്ലാതെ ഭയപ്പെടുത്തുന്നതാണ്. അമേരിക്കന്‍ ട്രെഷറിയില്‍ ചൈനയുടെ നിക്ഷേപം 1150 ബില്ല്യന്‍ ആണെങ്കില്‍ ഇന്ത്യയുടേത് 41 ബില്ല്യന്‍ ആണ്. ഒരു വ്യക്തിയുടെ (warren buffet)മാത്രം നിക്ഷേപം അതില്‍ കൂടുതല്‍ ഉണ്ട്.(warren buffet പറയുന്നത് AAAA റേറ്റിംഗ് ഉണ്ടെങ്കില്‍ ആ റേറ്റിംഗ് അമേരിക്ക അര്‍ഹിക്കുന്നു എന്നാണ്- ഞാന്‍ ഈ കാഴ്ചപ്പാടിനോട് യോജിക്കുന്നില്ല ) . ഇന്ത്യയുടെ ഒരൊറ്റ പൈസയും ഈ ട്രെഷറി നിക്ഷേപത്തില്‍ നഷ്ടാമാകുന്ന സാഹചര്യം ഇന്നില്ല. ഇന്ത്യയുടെ വിദേശ നാണയ ശേഖരണത്തിന്റെ മൂല്യത്തില്‍ കുറവുണ്ടാകും,ഡോളര്‍ വില കുറഞ്ഞാല്‍. ഇന്ത്യയുടെ വിദേശ നാണയ ശേഖരണം 320 ബില്ല്യന്‍ ഡോളര്‍ ആണ്.അതില്‍ 13% മാത്രമേ ഡോളര്‍ നിക്ഷേപം ആയുള്ളൂ.അമേരിക്കന്‍ ട്രെഷറി നിക്ഷേപങ്ങള്‍ കൂട്ടമായി പിന്‍ വലിക്കാന്‍ ശ്രമിച്ചാല്‍ നിക്ഷേപര്‍ക്ക് വലിയ നഷ്ടം ഉണ്ടാക്കി കൊണ്ട് ഡോളര്‍ വില ഇടിയും.അടുക്കാന്‍ പറ്റാത്ത വിധം സ്വര്‍ണ്ണ വില കൂടും.ഡോളര്‍ വില ഒരു ശതമാനം കുറഞ്ഞാല്‍ ചൈനക്ക് ട്രെഷറി നിക്ഷേപത്തില്‍ മാത്രം നഷ്ടം ആകുക 11.5 ബില്ല്യന്‍ ഡോളറിനു തുല്യമായ തുക ആണ്.ചൈന അതിനു തയ്യാര്‍ ആകുമോ.ഇപ്പോള്‍ ശക്തമായ നടപടികള്‍ വേണമെന്ന ചിന്ത ഓരോ അമേരിക്കനിലും ഉണര്‍ത്താന്‍ S&Pക്ക് കഴിഞ്ഞിരിക്കുന്നു.അമേരിക്കന്‍ ഭരണകൂടം ഇത് വരെ എടുക്കാന്‍ ഭയന്നിരുന്ന നടപടികള്‍ എടുക്കാന്‍ ഇനി അവര്‍ക്ക് കഴിയും.അത് ഡോളറിനും ഗുണം ചെയ്യും. ഓഹരി വിപണി.അമേരിക്കന്‍ ട്രെഷറി പോലും അത്ര സേഫ് അല്ലെങ്കില്‍ പിന്നെ എവിടെ ആണ് കൂടുതല്‍ ആദായം എന്ന് അന്വേഷിക്കുന്ന നിക്ഷേപകര്‍ ലോകമെങ്ങും ഉണ്ടാകും. അവര്‍ക്ക് ലഭിക്കുന്ന ഒരു ഉത്തരം ഇന്ത്യ എന്നാകും. വിദേശ നിക്ഷേപങ്ങളില്‍ ഒരു വലിയ പങ്കു ഇന്ത്യയെ ലക്‌ഷ്യം വച്ച് തുടങ്ങുന്നതോടെ ഇന്ത്യന്‍ ഓഹരി വിപണികള്‍ ശക്തി പ്രാപിക്കും.ഇതെല്ലം പ്രതീക്ഷകള്‍ മാത്രം ആണ്.യാഥാര്‍ത്ഥ്യങ്ങള്‍ക്കുള്ള പ്രഹര ശേഷി പ്രതീക്ഷകള്‍ക്ക് ഒരിക്കലും നേടാന്‍ ഒക്കില്ല. സ്വര്‍ണ്ണം:സ്വര്‍ണ്ണം ആണ് ഇപ്പോള്‍ ഹീറോ.കുറെ കാലത്തേക്ക് കൂടി സ്വര്‍ണ്ണം നിക്ഷേപകരുടെ ഫസ്റ്റ് ചോയ്സ് ആയിരിക്കയും ചെയ്യും. ഒരു കാര്യം അവിടെയും മറക്കരുത്. ഡോളര്‍,ഓഹരി,ഓയില്‍ വില പോലെ അല്ല സ്വര്‍ണ്ണ വില.സ്വര്‍ണ്ണ വിലയില്‍ ഒരു വന്‍ തകര്‍ച്ച ഉണ്ടായാല്‍ വ്യാവസായിക ലോകത്തിനു ഒരു മാറ്റവും ഉണ്ടാക്കാന്‍ അതിനു കഴിയില്ല.അത് കൊണ്ട് അത് തടയാന്‍ നിക്ഷേപര്‍ അല്ലാതെ (അത് വ്യക്തി ആയാലും രാജ്യം ആയാലും) ആരും കാര്യമായി മുന്നോട്ടു വരില്ല.ആരും അതിനെ ഒരു പ്രതിസന്ധി ആയി കാണില്ല. ഇന്നത്തെ സാഹചര്യത്തില്‍ സ്വര്‍ണവും,സ്ഥിര നിക്ഷേപവും മുന്‍ ഗണന അര്‍ഹിക്കുന്നു എങ്കിലും ഓഹരിയില്‍ നിന്നും ഓടി ഒളിക്കേണ്ട സാഹചര്യം ഇല്ല.സെലക്റ്റീവ് ആകണം.പെട്ടെന്ന് ലാഭം കിട്ടുന്ന ഓഹരികളില്‍ നിക്ഷേപിക്കാതെ നല്ല പ്രകടനം കാഴ്ച വയ്ക്കുന്ന,അമേരിക്കന്‍,പാശ്ചാത്യ കയറ്റു മതി കുറവുള്ള കമ്പനികള്‍ തിരഞ്ഞെടുക്കണം.ഓഹരി പ്ലെഡ്ജ് ധാരാളം ചെയ്തവര്‍,നല്ല മാനെജ്മെന്റ് ഇല്ലാത്ത കമ്പനികള്‍, ലിക്വിടിട്ടി കുറവുള്ള കമ്പനികള്‍ ഒഴിവാക്കണം.ചുരുക്കത്തില്‍ പോര്‍ട്ട്‌ ഫോളിയോ യില്‍ സമയോചിത മാറ്റം ഉണ്ടാക്കണം. ഇന്നത്തെ ലോകത്ത് 8% വാര്‍ഷിക വളര്‍ച്ച നേടുന്ന ഒരു രാജ്യം സ്വപ്ന തുല്യമായ നേട്ടം ക്ഷമയുള്ള നിക്ഷേപര്‍ക്ക് നേടിക്കൊടുക്കും.സമയം കുറച്ചു കൂടുതല്‍ എടുത്താലും....

ഉര്‍വശീ ശാപം...

noreply@blogger.com (sasi) — Tue, 09 Aug 2011 02:27:00 +0000

തിരിച്ചടികളെ ശരിയായി നേരിടാന്‍ കഴിഞ്ഞാല്‍ ഇന്ത്യക്ക് ഇന്നത്തെ പ്രതിസന്ധി ഉര്‍വശി ശാപം പോലെ ഉപകാരപ്രദം ആക്കാന്‍ കഴിയും. ഇന്ത്യയ്ക്ക് ഇന്നത്തെ ഏറ്റവും വലിയ പ്രശ്നം പണപ്പെരുപ്പം ആണ്.അത് നിയന്ത്രിക്കല്‍ RBI യുടെ ജോലി ആണെന്ന് പറഞ്ഞു സര്‍ക്കാര്‍ മാറി നില്‍ക്കുകയും RBI നിരന്തരം പലിശ നിരക്കുകള്‍ ഉയര്‍ത്തി വ്യവസായത്തിന്റെ നടുവൊടിക്കയും തുടരുന്നു . എന്നിട്ടും ഫലം ഉണ്ടായോ?? ഇന്ത്യയില്‍ ജനിച്ച ദേവന്‍ ശര്‍മ്മ നയിക്കുന്ന S&P എടുത്ത അമേരിക്കന്‍ ഡൌണ്‍ ഗ്രേഡ് നടപടി ഇന്ത്യയില്‍ പണപ്പെരുപ്പം കുറക്കാന്‍ സഹായിക്കും എന്ന് വേണം കരുതാന്‍.ഓഹരി വിപണികളുടെ തകര്‍ച്ച ഓയില്‍ വിപണിയിലെ നിക്ഷേപകരെ ഭയപ്പെടുത്തും.ഒരു വ്യാവസായിക മാന്ദ്യം ഉണ്ടായാല്‍ എണ്ണ വില കുറയും എന്നത് കൊണ്ട് അവിടെ നിക്ഷേപം കുറക്കാന്‍ ഉള്ള തീരുമാനം എണ്ണ വില പെട്ടെന്ന് ഇടിയാന്‍ കാരണമാകും.എണ്ണ വില ഗണ്യമായി കുറഞ്ഞാല്‍ സ്വാഭാവികമായും പണപെരുപ്പം കുറയും. പണപ്പെരുപ്പം കുറയുന്നത് പലിശ നിരക്ക് കുറക്കാന്‍ സഹായിക്കും.വ്യവസായങ്ങള്‍ ഉണരും.ഇതിന്റെ നല്ല ഫലം ഉണ്ടാകണം എങ്കില്‍ ഇന്നത്തെ പ്രതിസന്ധി ഇന്ത്യക്ക് അതിജീവിക്കാന്‍ കഴിയണം.അതിനുള്ള ആത്മാര്‍ത്ഥമായ ശ്രമം ഉണ്ടാകണം.വളരെ പോസിറ്റീവ് ആയ കാര്യം അതിനു ഗോവെന്മേന്റ്റ് ശ്രമിക്കുന്നത് കാണാനായി എന്താണ്. ഡൌണ്‍ ഗ്രേഡ് ഉണ്ടായത് മുതല്‍ ധനകാര്യ മന്ത്രി,പ്ലാനിംഗ് കമ്മീഷന്‍ ഉപാധ്യക്ഷന്‍,RBI, സാമ്പത്തിക കാര്യ ഉപദേഷ്ടാവ് എന്ന് വേണ്ട ബന്ധപ്പെട്ട എല്ലാവരും ഇന്ത്യന്‍ നിക്ഷേപരെ ഭയക്കേണ്ടതില്ല എന്ന് ആശ്വസിപ്പിക്കാന്‍ രംഗത്ത്‌ വന്നു എന്നത് വളരെ നല്ലതാണ്. എന്നാല്‍ ഇന്നലെ അമേരിക്കന്‍ പ്രസിഡന്റ്‌ തന്നെ ഈ പ്രതിസന്ധി മറികടക്കാന്‍ ശക്തമായ നടപടികളുമായി മുന്നോട്ടു പോകുമെന്ന് പരസ്യ പ്രസ്താവന നടത്തിയിട്ടും അമേരിക്കന്‍ നിക്ഷേപകരുടെ ആത്മവീര്യം ഉയര്‍ത്താ കഴിഞ്ഞില്ല.നമ്മുടെ പ്രധാന മന്ത്രി ഇന്ന് ജനങ്ങളോട് ഈ പ്രതിസന്ധി ഇന്ത്യയെ എങ്ങിനെ ബാധിക്കുമെന്ന് നേരിട്ട് പറയാന്‍ തയാര്‍ ആകുമെന്ന് നമുക്ക് ആശിക്കാം.ഈ പ്രതിസന്ധിക്ക് പരിഹാര മാര്‍ഗ്ഗം എന്ന നിലയില്‍ കെട്ടിക്കിടക്കുന്ന കുറെ പോളിസി തീരുമാനങ്ങള്‍ നടപ്പാക്കാന്‍ സര്‍ക്കാര്‍ തയ്യാറാകണം.ഉറങ്ങുന്ന ഒരു സര്‍ക്കാര്‍ അല്ല ഇന്ത്യയില്‍ ഉള്ളത് എന്ന് തെളിയിക്കാന്‍ കിട്ടിയ ഈ അസുലഭ അവസരം ഗോവെര്‍മെന്റ്റ് മുതലെടുക്കണം. ഇന്ത്യന്‍ ഓഹരി വിപണി ഇന്ന് നേരിടുന്ന ഏറ്റവും വലിയ വെല്ലുവിളി വിദേശ നിക്ഷേപകരുടെ പിന്മാറ്റം ആണ്.അത് ഓഹരി വിപണിയെ തകര്‍ക്കും. ഇത്തരം ഒരു സന്ദര്‍ഭത്തില്‍ നിക്ഷേപം നടത്താന്‍ ഇന്ത്യയേക്കാള്‍ നല്ല ഒരു മാര്‍ക്കറ്റ് ഉണ്ടോ എന്ന് വിദേശ നിക്ഷേപകരെക്കൊണ്ട് ചോദിപ്പിക്കാന്‍ കഴിയണം.അത് സാധ്യമായാല്‍ ഇന്ത്യ ശക്തമായി തിരിച്ചു വരും.ഉര്‍വശി ശാപം ഉപകാരമാകും.അതിനുള്ള ഇച്ഛാശക്തി ഭരണകൂടം കാണിക്കുമോ? അതാണ്‌ ഇന്നത്തെ മില്യന്‍ ഡോളര്‍ ചോദ്യം....

കറുത്ത ചൊവ്വാഴ്ച ?

noreply@blogger.com (sasi) — Tue, 09 Aug 2011 01:51:00 +0000

ഇന്ന് സമീപ ഭാവിയില്‍ ലോകം കണ്ടത്തില്‍ വച്ച് ഏറ്റവും കറുത്ത ദിനമയിരിക്കാം ഓഹരി വിപണികള്‍ക്ക്.അമേരിക്കന്‍ വിപണികളുടെ ചുവടു പിടിച്ചു ലോക ഓഹരി വിപണികളില്‍ നിന്നെല്ലാം നിക്ഷേപകര്‍ പാലായനം ചെയ്യുന്ന കാഴ്ചയാണ് നാം കാണുന്നത്. നിക്ഷേപകനെ സംബന്ധിച്ചിടത്തോളം ഒരു വാര്‍ത്തയും ആഴത്തില്‍ അപഗ്രധിക്കേണ്ട ആവശ്യമില്ല. ഇപ്പോള്‍ വന്നിരിക്കുന്ന ഡൌണ്‍ ഗ്രേഡ് വാര്‍ത്ത‍ കൊണ്ട് തങ്ങളുടെ നിക്ഷേപങ്ങളുടെ മൂല്യത്തില്‍ സമീപ ഭാവിയില്‍ ഇടിവുണ്ടാകുമോ? ഈ ഒരു ചോദ്യത്തിന് ഉത്തരം ഉണ്ടാകും എന്നായതു കൊണ്ട് നിക്ഷേപകര്‍ ഓഹരികള്‍ വിറ്റു കൂടുതല്‍ സുരക്ഷിതമായ സ്വര്‍ണ്ണം വാങ്ങുന്നു. അവരുടെ തീരുമാനം ശരി വച്ച് കൊണ്ട് സ്വര്‍ണ്ണ വില മുന്നോട്ടു കുതിക്കുകയും ചെയ്യുന്നു.മറ്റു വിപണികളെ അപേക്ഷിച്ച് കൂടുതല്‍ സെന്‍സിറ്റീവ് ആണ് ഓഹരി വിപണി. നിക്ഷേപകരുടെ മുഖം കറുത്താല്‍ മതി ഓഹരി വിപണി മൂക്ക് കുത്താന്‍. 2008 ആവര്‍ത്തിക്കുമോ എന്ന ഭയമാണ് എല്ലാവര്ക്കും.വളരെ ചെറുതെന്ന് അന്ന് തോന്നിയ പ്രശ്നങ്ങള്‍ ആണ് പിന്നീട് ലോകത്തെ മുഴുവന്‍ മാന്ദ്യത്തിലേക്ക് നയിച്ചത്.S&P ഡൌണ്‍ ഗ്രേഡ് ഒരു ചെറു തിര ആണ്. അതുണ്ടാക്കുന്ന മറു തിരകള്‍ ഒരു സുനാമി ആയിക്കൂടെന്നില്ല.അത്തരം ഒരു മറു തിര ആണ് ഇന്നലെ അമേരിക്കന്‍ വിപണിയില്‍ കണ്ടത്.ശരാശരി 6% ഇടിവ് ആണ് ഇന്നലെ ആ വിപണിയില്‍ ഉണ്ടായത്.അതിന്നു ലോകം മുഴുവന്‍ ആവര്‍ത്തിക്കും. കാലത്ത് തന്നെ സെന്‍സെക്സ് 1000 പോയിന്റ്‌ ഇടിയുന്ന ഒരു അവസ്ഥ ഉണ്ടായാല്‍ അത് ഏതു നിക്ഷേപകനെ ആണ് പിടിച്ചു കുലുക്കാതിരിക്കുക? തകരുന്ന മാര്‍ക്കറ്റിലും തല ഉയര്‍ത്തി നില്‍ക്കുന്ന മുത്തൂറ്റ് പോലുള്ള ഓഹരികളെ നോക്കി അഭിമാനം കൊള്ളാന്‍ പറ്റില്ല.ഭൂമി കുലുക്കം ശക്തമായാല്‍ ഏതു വന്‍ മരവും കട പുഴകും.പിന്നെയാണോ മുത്തൂറ്റ് പോലെ ഒരു പുതു മുഖം?രാജ്യത്തിന്റെ വാല്യൂ വേഷനില്‍ കുറവുണ്ടാകുമ്പോള്‍ അത് എല്ലാ ഓഹരികളെയും തുടക്കത്തില്‍ ബാധിക്കും.ചെറിയ ഓഹരികള്‍ വില്‍ക്കാന്‍ പോലും കഴിയാത്ത അവസ്ഥ ഉണ്ടാകും.ഇതെല്ലം താല്‍ക്കാലികം ആണെന്നും ഇന്ത്യന്‍ ഓഹരി വിപണി വരും ആഴ്ചകളില്‍ ശക്തി വീണ്ടെടുക്കും എന്ന് ഞാന്‍ കരുതുന്നു. നഷ്ട്ടം സഹിച്ചും വിപണിയില്‍ നിന്ന് പിന്മാറാന്‍ അവസരം ഉള്ളപ്പോള്‍ അത് ഉപയോഗപ്പെടുത്തുന്നതില്‍ എന്ത് തെറ്റാനുള്ളത്? എന്തായാലും ദുര്‍ബല ഹൃദയര്‍ ഓഹരി സൂചികകള്‍ ഇന്ന് കാലത്ത് ശ്രദ്ധിക്കാതിരിക്കുന്നതാകും നല്ലത്..

തുടക്കം മോശമാകും..

noreply@blogger.com (sasi) — Mon, 08 Aug 2011 03:17:00 +0000

ഇന്ന് മാര്‍ക്കറ്റ് തുടക്കം നിഫ്ടിയില്‍ 100 പോയിന്റ്‌ എങ്കിലും നഷ്ടത്തോടെ തുടങ്ങുമെങ്കിലും കഴിഞ്ഞ ആഴ്ചയോളം മോശമായിരിക്കില്ല ഈ ആഴ്ച എന്ന് തോന്നുന്നു. വലിയ സൂചികകള്‍ വരും ദിവസങ്ങളില്‍ തിരിച്ചു കയറാന്‍ സാധ്യത ഉണ്ടെങ്കിലും ചെറിയ ഓഹരികള്‍ക്ക് കഷ്ട്ട കാലം കുറച്ചു നീണ്ടു നില്‍കാന്‍ സാധ്യതയുണ്ട്. റിസ്കി നിക്ഷേപങ്ങള്‍ക്ക് നാം മുതിരുന്നത് ആത്മവിശ്വാസം ഏറി ഇരിക്കുമ്പോള്‍ ആണ്. വിപണിക്ക് ആത്മ വിശ്വാസം വീണ്ടും ഉണ്ടാകാന്‍ സമയമെടുക്കും എന്നും തോന്നുന്നു.നല്ല പ്രതീക്ഷ നല്‍കുന്ന ഓഹരികളില്‍ നിക്ഷേപം കുറയുകയും നല്ല പ്രവര്‍ത്തന ഫലങ്ങള്‍ പുറത്തു വിട്ട കമ്പനികളില്‍ നിക്ഷേപക ശ്രദ്ധ കൂടുതല്‍ കേന്ദ്രീകരിക്കയും ചെയ്യാനിടയുണ്ട്..

MNP ഇഫക്റ്റ് ..

noreply@blogger.com (sasi) — Sun, 07 Aug 2011 06:44:00 +0000

മൊബൈല്‍ നമ്പര്‍ പോര്ടബിലിറ്റി നടപ്പാക്കിയത് ജനുവരി 20 ണ് ആണ്. ഫോണ്‍ നമ്പര്‍ മാറ്റാതെ തന്നെ സര്‍വീസ് തരുന്ന സ്ഥാപാനത്തില്‍ നിന്നും രക്ഷപ്പെടാന്‍ ഉപഭോക്താവിന് അവസരം നല്‍കുന്ന ഈ പദ്ധതി നല്ല സര്‍വീസ് നല്‍കാന്‍ കെല്‍പ്പില്ലാത്ത കമ്പനികളുടെ ഉറക്കം കെടുത്തി തുടങ്ങിയിരിക്കുന്നു. ഗവണ്മെന്റ് ഉദ്ദേശിച്ചതും ജനങ്ങള്‍ ആഗ്രഹിച്ചതും നടപ്പിലാകുന്നത് കാണുമ്പോള്‍ സന്തോഷമുണ്ട്. മോഹന വാഗ്ദാനങ്ങള്‍ നല്‍കി ഉപഭോക്താവിനെ ആകര്‍ഷിക്കുക.ഒരിക്കല്‍ തങ്ങളുടെ കണക്ഷന്‍ എടുത്തവന്‍ തങ്ങളുടെ സ്ഥിരം അടിമയായി എന്ന് കരുതി അടുത്ത ഇരക്ക് വല വീശുക എന്ന രീതി ഇനി വിലപ്പോകില്ല.നിരന്തരം നല്ല സേവനം നല്‍കാത്തവരോട് ഗുഡ് ബൈ പറയാനുള്ള അവസരം കിട്ടിയപ്പോള്‍ വിട്ടോടാ എന്ന് പ്രതികരിക്കാന്‍ ലക്ഷങ്ങള്‍ തയാര്‍ ആയിരിക്കുന്നു.ആരാണ് ജനങ്ങള്‍ക്ക്‌ കൂടുതല്‍ സ്വീകാര്യന്‍ എന്ന് മനസ്സിലാക്കാനും നമ്മെ ഈ നിയമം സഹായിക്കുന്നു. ടെലിഫോണ്‍ എന്നാല്‍ bsnl എന്ന് നാം കരുതിയിരുന്ന ഒരു കാലമുണ്ടായിരുന്നു.ഒരു ഫോണിനു അപേക്ഷിച്ചു വര്‍ഷങ്ങളോളം അവരുടെ അനുഗ്രഹത്തിന് വേണ്ടി കാത്തിരുന്ന കാലം . ഒരു ഫോണ്‍ കണക്ഷന്‍ നല്‍കുക എന്നതിലും വലിയ ഒരു കസ്റ്റമര്‍ കെയര്‍ ഉണ്ടെന്നു അവരും നമ്മളും കരുതിയിരുന്നുമില്ല.പുതിയ കമ്പനികളുടെ രംഗ പ്രവേശം സേവനത്തിന്റെ പുതിയ മേഖലകളെ നമ്മെ പരിചയപ്പെടുത്തി. നാം അതില്‍ ആകൃഷ്ടരായി. എന്നാല്‍ ഇന്നും സേവനം എന്നാല്‍ എന്താണെന്നു മനസിലാകാതെ ഇരുട്ടില്‍ തപ്പുകയാണോ bsnl? ഏറ്റവും കൂടുതല്‍ പേര്‍ക്ക് മൊബൈല്‍ സേവനം നല്‍കുന്ന കമ്പനികളുടെ ലിസ്റ്റില്‍ ആദ്യത്തെ അഞ്ചില്‍ ഒരു സ്ഥാനം നിലനിര്‍ത്താന്‍ ബുദ്ധിമുട്ടുകയാണ് bsnl.മൊബൈല്‍ നമ്പര്‍ പോര്‍ട്ടബിലിറ്റി (MNP) നിലവില്‍ വന്നതോടെ പുതിയ വരിക്കാരെ തേടുന്നതിനോ ഉള്ളവരെ പിടിച്ചു നിര്‍ത്തുന്നതിനോ എന്തിനു മുന്‍ഗണന നല്‍കും എന്നറിയാതെ വിഷമികുകയാകും bsnl.ജൂണ്‍ 30 വരെയുള്ള കണക്ക് അനുസരിച്ച് 349489 വരിക്കാര്‍ മറ്റു സ്ഥാപനങ്ങളെ ഉപേക്ഷിച്ചു bsln വരിക്കാര്‍ ആയപ്പോള്‍ ഇതേ കാലയളവില്‍ bsnl സേവനം വേണ്ടെന്നു വച്ച് മറ്റു കമ്പനികളുടെ സേവനം തേടിയവരുടെ എണ്ണം 933750. അതായതു മൊത്തം വരിക്കാരില്‍ mnp മൂലം ഇത് വരെ നഷ്ടമായവരുടെ എണ്ണം 584261. ഇത് ഒരു സ്ഥാപനത്തിന്റെ മതം സ്ഥിതി അല്ല.മികച്ച കസ്റ്റമര്‍ സര്‍വീസ് നല്‍കുന്നതില്‍ വീഴ്ച വരുത്തുന്ന എല്ലാവര്ക്കും ഈ അവസ്ഥയാണ്‌. ഇതൊരു തുടക്കം മാത്രമായിരിക്കും ,കാലിനു കീഴിലെ മണ്ണ് ഒലിച്ചു പോകുന്നത് തടയാന്‍ വേണ്ട ശ്രമം ഉണ്ടായില്ലെങ്കില്‍. അത്തരം ഏതു ശ്രമത്തിന്റെയും ഗുണം കൂടുതല്‍ ലഭിക്കുന്നതു ഉപഭോക്താവിന് തന്നെയായിരിക്കും..

AA+

noreply@blogger.com (sasi) — Sat, 06 Aug 2011 05:57:00 +0000

പുതുതായി എന്ത് സംഭവിച്ചാലും അത് വാര്‍ത്തയാകും.കഴിഞ്ഞ 70 വര്‍ഷത്തില്‍ അമേരിക്കക്ക് സംഭവിക്കാത്തതാണ് ഇപ്പോള്‍ സംഭവിച്ചത്.പൂച്ചക്ക് മണി കെട്ടാന്‍ സ്റ്റാന്‍ഡേര്‍ഡ് ആന്‍ഡ്‌ പുവര്‍ (S&P) ധൈര്യം കാണിച്ചു. മറ്റു റേറ്റിംഗ് ഏജന്‍സികള്‍ ആയ മൂഡീസും ഫിച്ചും ഇപ്പോഴും മടിച്ചു നില്‍ക്കുകയാണ്.S&P കണക്കില്‍ 2 ബില്ല്യന്‍ ഡോളറിന്റെ തെറ്റ് വരുത്തിയെന്നും അത് കൊണ്ട് ഈ തരാം താഴ്ത്തല്‍ ന്യായീകരിക്കാന്‍ പറ്റില്ലെന്നും പ്രസിഡന്റ്‌ ഒബാമ പറയുന്നു.എങ്കിലും S&P പുറകോട്ടു പോകാന്‍ തയ്യാറായിട്ടില്ല. ചിലവുകള്‍ കുറച്ചും റെവന്യു വരുമാനം വര്‍ദ്ധിപ്പിച്ചും അടുത്ത പത്തു വര്‍ഷത്തിനകം ബജറ്റ് കമ്മി 4 ബില്യന്‍ ഡോളര്‍ കണ്ടു കുറയ്ക്കുക എന്ന നിര്‍ദ്ദേശം കണക്കിലെടുത്ത് അതിനു വേണ്ട നടപടികള്‍ സ്വീകരിക്കാന്‍ ഭരണകൂടം തയ്യാറായില്ല എന്നാണ് S&P പറയുന്നത്. കടത്തിന്റെ പരിധി വര്‍ദ്ധിപ്പിച്ചു തിരഞ്ഞെടുപ്പ് വരെ തല്‍ക്കാലം പിടിച്ചു നില്‍ക്കുക എന്ന ഒബാമയുടെ മോഹത്തിന് ഇത് വലിയ തിരിച്ചടിയാകും.ഈ തരാം താഴ്ത്തല്‍ ഒരു സ്ഥിരം ഏര്‍പ്പാടല്ല.സര്‍ക്കാര്‍ നടപടികള്‍ തൃപ്തികരമായാല്‍ റേറ്റിംഗ് ഉയരാവുന്നതെയുള്ളൂ. പ്രശ്നം അതല്ല. ഇനി എളുപ്പ വഴികള്‍ ഇല്ല.ശക്തമായ നടപടികള്‍ ഉണ്ടായേ തീരൂ. ചെലവ് കുറക്കല്‍ ,ടാക്സ് വര്‍ദ്ധിപ്പിക്കല്‍ തുടങ്ങിയ ജനകീയമല്ലാത്ത നടപടികള്‍ തിരഞ്ഞെടുപ്പ് അടുത്ത് വരുന്ന ഈ സമയത്ത് തന്നെ തുടങ്ങേണ്ടി വരും. അമേരിക്കന്‍ ട്രഷറി നിക്ഷേപങ്ങള്‍ റിസ്ക്‌ ഫ്രീ അല്ലാതാകുന്നതോടെ സ്വമേധയാ എത്തിയിരുന്ന നിക്ഷേപങ്ങള്‍ അങ്ങിനെ അല്ലാതാകും.നിക്ഷേപങ്ങളെ ആകര്ഷിക്കേണ്ടി വരും,ചെലവ് ഏറും.1945 ല്‍ അമേരിക്കന്‍ ട്രഷറി നിക്ഷേപങ്ങളില്‍ 99% അമേരിക്കക്കാരുടെ ആയിരുന്നെങ്കില്‍ ഇന്ന് അത് വെറും 54% ആയി കുറഞ്ഞിരിക്കുന്നു.അതായതു വിദേശ നിക്ഷേപകരുടെ മനംമാറ്റം അപകടകരമാകും.ഇന്ന് അമേരിക്കന്‍ ട്രഷറി നിക്ഷേപങ്ങള്‍ക്ക് പകരം വക്കാന്‍ വേറെ ഒന്നില്ലാത്തത് അമേരിക്കക്ക് ആശ്വാസമാകും. എന്നാല്‍ സ്വര്‍ണ്ണത്തില്‍ നിക്ഷേപിക്കുന്നത് കൂടുതല്‍ ആദായകരവും സുരക്ഷിതവും ആണ് എന്ന വിശ്വാസം കൂടുതല്‍ ശക്തമാകാനും സ്വര്‍ണ്ണ വില ഇനിയും പുതിയ ഉയരങ്ങള്‍ കീഴടക്കാനും അത് കാരണമായേക്കാം. S&P യുടെ ഈ താഴ്ന്ന റേറ്റിംഗ് ഓഹരി വിപണി എങ്ങിനെ നേരിടും എന്നാണ് എല്ലാവരും ഉറ്റു നോക്കുന്നത്.ഈ റേറ്റിംഗ് ഡൌണ്‍ ഗ്രേഡ് ഉണ്ടായത് അമരിക്കന്‍ സ്റ്റോക്ക്‌ മാര്‍ക്കറ്റ് അടച്ച ശേഷം ആണെന്നും അത് കൊണ്ട് തിങ്കളാഴ്ച ഏഷ്യയില്‍ വിപണികള്‍ തുറക്കുമ്പോള്‍ ആദ്യ പ്രതികരണം ഉണ്ടാകും ,അത് ദയനീയമായിരിക്കും എന്ന് പറഞ്ഞാല്‍ ശരിയാകില്ല. ഈ വാര്‍ത്ത‍ എല്ലാവരും പ്രതീക്ഷിച്ചിരുന്നതാണ്. അമേരിക്കന്‍ എക്കോണമിയെ നാം ഒക്കെ മനസ്സ് കൊണ്ട് ഡൌണ്‍ ഗ്രേഡ് ചെയ്തിട്ട് കാലമെത്രയായി? പ്രതീക്ഷിക്കുന്ന വാര്‍ത്ത‍ പോലെ അല്ലല്ലോ സംഭവിച്ചു കഴിഞ്ഞത്? ശരിയാണ്. എന്നാല്‍ ഈ വാര്‍ത്ത‍ ഇന്നലെ ഉച്ചയ്ക്ക് തന്നെ ലീക്ക് ആയിരുന്നു.S&P പ്രതിനിധികള്‍ ട്രഷറി ഉദ്യോഗസ്ഥരെ ഇന്നലെ ഉച്ചക്ക് ഈ വിവരം അറിയിച്ചിരുന്നു.ഈ വാര്‍ത്ത‍ പരന്ന ഉടനെ സൂചികകള്‍ താഴെ പോകുകയും ചെയ്തു. ട്രഷറി ഉദ്യോഗസ്ഥര്‍ 2 ബില്ല്യന്റെ തെറ്റ് ചൂണ്ടി കാട്ടിയത് കൊണ്ടാണ് പ്രഖ്യാപനം 8 മണി വരെ വൈകിയത്. ഈ വാര്‍ത്തയോട് തിങ്കളാഴ്ച വിപണികള്‍ എങ്ങിനെ പ്രതികരിക്കും എന്ന് ആര്‍ക്കും അറിയില്ല. ഈ അവസ്ഥയില്‍ വലിയ ധീരത കാട്ടുന്നത് ബുദ്ധിയാകില്ല. എന്നാല്‍ പ്രതികരണം പരിധി കടക്കുന്നു എന്ന് തോന്നിയാല്‍ Warren Buffett പറഞ്ഞത് മറക്കയുമരുത്. Be fearful when others are greedy, and be greedy when others are fearful....

അമേരിക്ക നയിക്കുന്നു..

noreply@blogger.com (sasi) — Fri, 05 Aug 2011 04:31:00 +0000

അമേരിക്കയില്‍ ഒരു തകര്‍ച്ച ഉണ്ടായാല്‍ അത് അവരുടെ അഹങ്കാരം കുറയ്ക്കുമെന്നും അത് ലോകത്തിനു പൊതുവേ ഗുണം ചെയ്യുമെന്നും ധരിക്കുന്നവര്‍ ആണ് നമ്മള്‍.എന്നാല്‍ അമേരിക്കന്‍ വിപണിയുടെ തകര്‍ച്ച ലോകത്തിന്റെ തകര്‍ച്ച എന്ന രീതിയില്‍ ആണ് ലോകം പ്രതികരിക്കുന്നത്.അത് ഏതാണ്ട് ശരിയുമാണ്. അമേരിക്കക്കാര്‍ വാങ്ങിയില്ലെങ്കില്‍ നിങ്ങളുടെ ഉല്‍പ്പന്നങ്ങള്‍ എവിടെ കൊണ്ട് പോയി വില്‍ക്കും, എന്നാണ് ഒരിക്കല്‍ ഹിലരി ക്ലിന്റന്‍ ചൈനയോട് ചോദിച്ചത്. അമേരിക്കയുടെ പോക്കറ്റ് കാലിയായാല്‍ നഷ്ടം എല്ലാവര്‍ക്കും ഉണ്ട് എന്ന് അമേരിക്ക വെറുതെ ഭയപ്പെടുത്തുന്നതല്ല , ഏറെക്കുറെ സത്യമാണ്. ഡിസംബര്‍ 2008 ണ് ശേഷം അമേരിക്ക സ്റ്റോക്ക്‌ ഇന്ഡക്സ് Dow jones നേരിട്ട ഏറ്റവും വലിയ തകര്‍ച്ച ആണ് ഇന്നലെ കണ്ടത്.513 പോയിന്റ്‌ (4.3%) ആയിരുന്നു തകര്‍ച്ച.2% എങ്കിലും തകരാത്ത ഏതു വിപണി ആണ് ഇന്ന് ഏഷ്യയില്‍ ഉള്ളത്? പ്രതിസന്ധികള്‍ ഇനിയും ഉണ്ടാകും.ഓഹരി വിപണി ഇവിടെ തന്നെ ഉണ്ടാകും.ഈ സമയത്ത് നാം പഠിക്കേണ്ട പാഠം ഓഹരി വിപണിയില്‍ ഒരിക്കലും ഫുള്ളി ഇന്‍ വെസ്റ്റഡ് ആയിരിക്കരുത് എന്നാണ്. നാം സ്വന്തമാക്കാന്‍ കൊതിക്കുന്ന ചില ഓഹരികള്‍ കിട്ടിയ വിലക്ക് വില്കുന്ന സമയ വരുമ്പോള്‍ വാങ്ങാന്‍ കയ്യില്‍ പണമില്ലാത്ത അവസ്ഥ ഉണ്ടാകരുത്. പെട്ടെന്ന് ആവശ്യം വരുന്ന പണം ഓഹരി വിപണിയില്‍ നിക്ഷേപിക്കരുത്.ഇത് പോലെ ഒരു തകര്‍ച്ച ഉണ്ടാകുമ്പോള്‍ പെട്ടെന്ന് വാങ്ങാന്‍ ഒരുങ്ങരുത്. കാറ്റും കോളും ശമിക്കുന്നത്‌ വരെ കാഴ്ചക്കാരനായി തുടരുക. ഇന്നത്തെ സാഹചര്യത്തില്‍ ഓഹരിയേക്കാള്‍ മികച്ച നിക്ഷേപം സ്വര്‍ണ്ണവും, സ്ഥിര നിക്ഷേപവും ആണെന്ന് മനസ്സിലാക്കി അവയെ അവഗണിക്കാതിരിക്കുക.സ്വര്‍ണ്ണം ഔണ്‍സിന് 2000 ഡോളര്‍ ആകുന്ന ദിവസം വിദൂരമല്ല.ഒരു ലക്ഷം രൂപയുടെ നിക്ഷേപത്തിന് മാസം ആയിരം രൂപ പലിശ നല്ല ബാങ്കില്‍ നിന്നും ലഭിക്കുന്ന അവസ്ഥയും മുതലാക്കുക..

വാര്‍ഷിക പൊതു യോഗങ്ങളുടെ ഗ്ലാമര്‍ നഷ്ടമാകുമോ??

noreply@blogger.com (sasi) — Thu, 04 Aug 2011 15:39:00 +0000

എല്ലാ പബ്ലിക്‌ ലിമിറ്റഡ് കമ്പനികളും വാര്‍ഷിക പൊതു യോഗം(AGM) നടത്തണം എന്നത് നിയമമാണ്.നിക്ഷേപകരില്‍ ഒരു ചെറിയ വിഭാഗത്തിന് മാത്രമേ അതിലൊക്കെ പങ്കെടുക്കാന്‍ കഴിയാറുള്ളൂ. അന്യ സംസ്ഥാനങ്ങളില്‍ നടക്കുന്ന AGM കളില്‍ പങ്കെടുക്കാന്‍ സാധാരണ നിക്ഷേപകന്‍ മിനക്കെടാറില്ല.വലിയ നിക്ഷേപങ്ങള്‍ ഉള്ളവര്‍ മാത്രമേ അതിനു തയ്യാറാകൂ. സ്വന്തം നാട്ടിലെ ഓഹരികള്‍ വാങ്ങുമ്പോള്‍ ഒരു ഗുണം നമുക്ക് കമ്പനിയുടെ AGM ന്‌ പങ്കെടുക്കാം എന്നതാണ്.നിക്ഷേപകരും കമ്പനി ഉടമകളും തമ്മില്‍ ആരോഗ്യകരമായ ഒരു സംവാദത്തിനുള്ള വേദി ആയിട്ടാണ് AGM നെ കാണുന്നത്,കാണേണ്ടത്. നാം നിക്ഷേപിച്ചിരുന്ന കമ്പനിയെക്കുറിച്ച് നാം അറിയാന്‍ ആഗ്രഹിക്കുന്നതെന്തും ചോദിച്ചറിയാന്‍ ആ വേദി ഉപയോഗികെണ്ടാതാണ്. എന്നാല്‍ പറയാവുന്ന കാര്യങ്ങള്‍ക്കു സെബി പരിമിതികള്‍ വച്ചിട്ടുണ്ട്.AGM ല്‍ നിന്ന് കിട്ടിയ വിവരങ്ങള്‍ വച്ച് അടുത്ത ദിവസം ഓഹരികള്‍ വില്‍ക്കുകയോ വാങ്ങുകയോ ചെയ്തു ലാഭം ഉണ്ടാക്കിയേക്കാവുന്ന അവസ്ഥ ഉണ്ടാകാന്‍ ഉള്ള സാഹചര്യം കമ്പനി സൃഷ്ടിച്ചു കൂടാ.പിന്നെ എന്തിനാണ് ഈ AGM? കമ്പനിയുടെ നല്ല ഭാവിയില്‍ താല്‍പര്യമുള്ളവരുടെ ഒരു ഒത്തു കൂടല്‍,ആഘോഷം .കൂട്ടത്തില്‍ ഗൌരവുള്ള ചര്‍ച്ചകളും.ഇതില്‍ ഏതെങ്കിലും ഒന്ന് മാത്രം ആയാലോ? ഒന്നുകില്‍ അത് ഒരു പാര്‍ട്ടി മാത്രമാകും.അടിപൊളി ഭക്ഷണം , സമ്മാനങ്ങള്‍ വിതരണം ചെയ്യല്‍. അല്ലെങ്കില്‍ വിരസമായ (പലര്‍ക്കും) ചര്‍ച്ചകള്‍ മാത്രവും. സമ്മാനങ്ങളും , നല്ല ലഖു ഭക്ഷണവും മാത്രം പ്രതീക്ഷിച്ചു എത്തുന്ന ഓഹരി ഉടമകള്‍ കൊച്ചു കുട്ടികളെ പ്പോലെ പെരുമാറുന്നു എന്നും ഗൌരവമായ ചര്‍ച്ചകള്‍ ഉണ്ടാകുന്നില്ല എന്നും ആക്ഷേപിക്കുന്നവര്‍ അന്നും ഇന്നും ഉണ്ട്. ബാലിശമായ തോന്നാവുന്ന ആ ആരോപണങ്ങള്‍ക്ക് ഇപ്പോള്‍ വളരെ ഗൌരവ സ്വഭാവം വന്നിരിക്കുന്നു. മിനിസ്ട്രി ഓഫ് കോര്‍പ്പറേറ്റ് അഫൈര്‍സ് അവരുടെ വെബ്‌ സൈറ്റില്‍ ഇപ്പോള്‍ പ്രസിദ്ധീകരിച്ചിരിക്കുന്ന ഒരു സര്‍കുലര്‍ ഭാവിയില്‍ AGM കളുടെ സ്വഭാവത്തില്‍ വലിയ മാറ്റം ഉണ്ടാക്കാന്‍ പര്യാപ്തമാണ്.സര്‍കുലര്‍ പറയുന്നത് ഇതൊക്കെയാണ്: കമ്പനി ഉടമകള്‍ AGM ന്‌ എത്തുന്ന ഓഹരി ഉടമകള്‍ക്ക് ഗംഭീര ഭക്ഷണവും, സമ്മാനങ്ങളും നല്‍കി അവരുടെ ശ്രദ്ധ തിരിക്കുന്നു എന്ന പരാതി ഉണ്ടായിരിക്കുന്നു.ഓഹരി ഉടമകള്‍ AGM നടക്കുന്ന സമയത്ത് ഗിഫ്റ്റ് കൂപ്പണും, സമ്മാന ങ്ങളും , സ്നാക് പാക്കറ്റുകളും സമാഹരിക്കാന്‍ ഓടി നടക്കുമ്പോള്‍ മാനെജ്മെന്റ് പല റസലൂഷനുകളും വേണ്ടത്ര ചര്‍ച്ചകള്‍ ഇല്ലാതെ പാസ്‌ ആക്കുന്നു. മേലില്‍ ചെറിയ ചായ സല്കാരം ആകാം.പക്ഷെ അത് AGM തുടങ്ങുന്നതിനു മുന്‍പ് മാത്രം.സമ്മാനങ്ങള്‍ ,സമ്മാന കൂപ്പണുകള്‍ ഇവയൊന്നും വിതരണം ചെയാന്‍ പാടില്ല. നിക്ഷേപകര്‍ക്ക് നേരിട്ട് അവരുടെ വെബ്‌ സൈറ്റ് സന്ദര്‍ശിച്ചു അഭിപ്രായങ്ങള്‍ അറിയിക്കാനും സാധിക്കും.ഇമെയില്‍: kamna.sharma@mca.gov.in. monika.gupta@mca.gov.in അഭിപ്രായങ്ങള്‍ പറയാനുണ്ടെങ്കില്‍ ഉടനെ അത് അധികാരികളെ അറിയിക്കുക,ഓഗസ്റ്റ്‌ 14 വരെ സമയമുണ്ട്.